وه‌زاره‌تا به‌رگرییا ئیراقێ هێرشا چه‌كدارێن په‌كه‌كێ ل سه‌ر پێشمه‌رگه‌یێ كوردستانێ ل چیایێ مه‌تینى ب ده‌ستدرێژیه‌كا ترسنۆك و تیرۆرستى ب ناڤ كر و ئه‌و هێرش شه‌رمزار كر و راگه‌هاند، هێرشكه‌ر دێ گه‌هن سزایێ خوه.
وه‌زاره‌تا به‌رگرییا ئیراقێ د به‌یانه‌كێ دا راگه‌هاند، وێ هێرشا ترسنۆكا تیرۆستى شه‌رمزار دكه‌ن یا كو ل ده‌مێ پیشمه‌رگه‌یێ كوردستانێ بۆ بجهئینانا ئه‌ركێن خوه ل چیایێ مه‌تینى هێرش ل سه‌ر هاتیه كرن.
وه‌زاره‌تا به‌رگرییا ئیراقێ دوپات كر كو هێزێن پێشمه‌رگه‌یێن كوردستانێ پشكه‌كا نه‌ڤه‌قه‌تیایى یا هێزێن چه‌كدارێن ئیراقێ یه و هه‌ر ده‌ستدرێژیه‌كا ل سه‌ر وان هێزان بهێته كرن یا ره‌ت كرییه و ناهێته قه‌بوولكرن.
وه‌زاره‌تا به‌رگرییا ئیراقێ راگه‌هاند ژى، لێكۆلینان ل دوور وێ هێرشێ ده‌ستپێكرینه و تێكده‌رێن ئه‌من و ئاساییشێ دێ گه‌هنه سزایێ خوه، هه‌مان سه‌رخوه‌شى ژى ل مالباتێن پێنج شه‌هیدێن پێشمه‌رگه‌ى كرن یێن د وێ هێرشێ دا شه‌هید بووین.
