قوباد تاڵه‌بانى، جێگرێ سه‌رۆكێ حكومه‌تا هه‌رێما كوردستانێ د فه‌یسبووكێ خوه دا ده‌رباره‌یى روودانا چیایێ مەتینا هاته ده‌نگ و راگه‌هاند، روودانا چیایێ مەتینا روودانه‌كا دڵتەزێن بوو، کو بوویه ئه‌گه‌رێ دلگرانییا هەموو کورده‌کێ دڵسۆز و نیشتمانپەروەر، گەلێ مه د ده‌مێ بوریدا نه‌خۆشیێن زۆر دیتینه ب ئه‌گه‌رێ ئاڵۆزی و شەڕی دناڤبه‌را لایەنێن کوردیی دا، له‌ورا ماف نینه ئەڤ گەلە خێرنەدیتیه ژ وێ زێده‌تر تووشی نه‌خۆشییان و دلگرانییان ببیت.
هه‌روه‌سا دبێژیت، بەرهەمێ ئاڵۆزی و كێشه‌یێن بورى یێن مه بتنێ شکست و بێ هیڤى بوویه بۆ گەلێ مه، هه‌تا نها ژى دگەڵدا بیت ئه‌م باجا شەڕێ خۆکوژیێ و ئاڵۆزیێن مه یێن بورى د ده‌ین، ئەگەر دڤێ قۆناغێ ژى دا بەردەوام بین ل سەر خه‌له‌تیێن کوژه‌كێن بورى بێ گومان دەرەنجامێ وێ شکستن و بێ هیڤىیه‌كا مه‌زنتر دبیت بۆ هەموو کوردان.
گۆتى ژى، نها هه‌موو لایه‌نێن به‌رامبه‌رى به‌رپرسیاره‌تییه‌كا مه‌زن داین و پێدڤییه هه‌موو بزاڤێن مه ب ئاراسته‌ییا چاره‌سه‌ركرنێ بیت نه‌ك ئالۆزتر كرنا ره‌وشێ، بلا ئه‌م ژیرانه و خه‌مخۆرانه و كوردانه و به‌رپرسیارانه ئاریشان چاره‌سه‌ربكه‌ین.
