ب تومەتا سەردابرن و وێنەکرنا زەلامان باندەکێ تومەتبارێن ژن دگەل تومەتبارەکێ هاتنە گرتن.
هێمن سلێمان بەرپرسێ راگەهاندنا پۆلیسێن پارێزگەها دهۆکێ راگەهاند، د تاوانەکێ دا ل دەڤەرەکێ ل سنورێ پارێزگەها دهۆکێ باندەکێ ژنان کو ژ چار ژنان دگەل کورەکێ پێکدهاتن هاتنە دەستەسەرکرن.
هێمن سلێمان گۆت ژی، ئەڤ تومەتبارە راببوون ب برنا زەلامەکێ بۆ دناڤ مالێ دا و پشتی گەف و بێسەروبەرکرن و وێنەکرنا وی زەلامی کوژمەکێ پارەی ژی ژێ وەرگرتیە، د پشت را وی زەلامی سکالا تومارکریە و پۆلیس ژی شیان وان کەسان دەستەسەربکەن و د ڤەکۆلینێن دەستپێکی دا وان کەسان دان ب تاوانا خو کرییە.
