شنگال.. په‌كه‌كه‌ بوویه‌ ژێده‌رێ داهاتى بۆ حه‌شدێ

پشتى خیانه‌تا 16 ئوكتوبه‌رێ، په‌كه‌كه‌ و چه‌كدارێن میلیشیێن حه‌شدا شه‌عبى ده‌ست ب سه‌ر قه‌زا شنگالێ دا گرت، رێكێ ناده‌ن سازیێن شه‌رعى و خه‌لكێ ئاواره‌ بزڤرنه‌ڤه‌ ده‌ڤه‌رێ.

ئه‌ندامه‌كێ په‌رله‌مانێ كوردستانێ راگه‌هاند، په‌كه‌كێ مفا ژ حه‌شدا شه‌عبى وه‌رگرتییه‌ د وارێ قه‌چاخچیێ و ئابوورى یێ دا و رێكه‌فتن دگه‌ل دا كرییه‌ .

گۆت ژى، ده‌وله‌تا ئێراقێ دشیاندا نینه‌ ب ئاشتیانه‌ یان ب شیانێن هێزێ بیت، كو داویێ ب هێزێن په‌كه‌كێ بینیت، چونكى دزانن داوی ئینان ب وان هێزان هشكرنا ژێده‌رێن گرنگ یێن داهاتێ حه‌شدا شه‌عبى نه‌، ئه‌ڤه‌ژى زیانێ ب پێگه‌هێ ئابوورى یێ حه‌شدا شه‌عبى دگه‌هینیت كو پشتى هنگێ مانوره‌كا دى یا بلندا سه‌ربازى یا حه‌شدا شه‌عبى ژێڤه‌ دبیت.  

هه‌روه‌سا به‌حس ل وێ چه‌ندێ كر،كو په‌كه‌كه‌ یا بوویه‌ رێگر ل به‌رده‌مێ ئاڤه‌دانكرنا گۆندان و هێرشان دكه‌نه‌ سه‌ر پێشمه‌رگه‌یێن كوردستانێ، هێرش كرن ل سه‌ر پێشمه‌رگه‌ێ كوردستانێ ئانكو هێرشكرن ل سه‌ر ئاخا كوردستانێ یه‌، هه‌مى دزانن خه‌باتا په‌كه‌كێ ل هه‌رێما كوردستانی نینه‌ ل باكورێ كوردستانێ یه‌، دڤێت په‌كه‌كێ وتوركیا ئێكلاكرنا ململانێ یا وان نه‌هێلانا ئاخا هه‌رێما كوردستانێ یه‌، چونكى هه‌رێما كوردستان بتنێ یا زه‌ره‌رمه‌نده.‌