سۆفوستیزما په‌كه‌كێ
په‌كه‌كه وەک ئۆرگانەکا پۆلوتیک بتنێ کەڤەرەکێ شکەستی و پری دەرز و کون مایە، ھەرگاڤا میتێ یان ئیتلاعاتێ ڤیا وان بکاربینن بێ دودلی وان دهاژون و بکارتینن، مینا ھەسبێ تروادە، جار تورکێ خوه ل بن تەنیشتێت وی ڤەدشێرن و جار ئیرانی لێ سواردبن، و دەرباسی ھەرێمێ دبن و تالان و فەرمانا دکەن، تورک لدەڤەرێن گوندێن بادینان یێ ل بن تەنشتێت وان ب بەھانیا شەرێن دژە تیرۆرستان په‌كه‌كێ ئانکۆ شەرێ خوه بخودکەن، و ئیران ل باشورێ رۆژئاڤا(شنگالێ) سواری وانە ب بەھانەیا پاراستنا مەرقەد و جھێن خوه یێن بیرۆز.
ئەرێ تا نوکە پالپشتێن په‌كه‌كێ ھزر کرینە ئەوان چ بۆ دۆزا کوردا کریە ژبلی کرێت کرنا ناڤێ کوردا بگشتی، مینا پەیدابونا پارتا وان دناڤ بلاک لیستێ دا ژلایێ ئەمریکا ڤە و ئۆپەراسیونێن ب شێوێن تیرۆرستا وەکو کەمین و تێنتیکرنا جھا و گوندان، دیسان ھەولدانا پەیداکرنا شەرێ براكوژیێ ژلایێ وانڤە، ھەر ھۆسا مایتێکرنا وان دسیستەمێ حوکمرانیێ ل ھەرێمێ وەک تێكده‌ر، ئەرێ په‌كه‌كه تا نوکە شیایە چار بھۆستا ژخاکا باشور ببەت یان بێکولێ بکەت ژبۆ وێ چەندێ، ئەرێ تانوکە شیایە یاسایەکێ دەربینیت و دەرباز کەت لپەرلەمانی یان پێکۆلا ھندێ بکەت دەربینیت ژپەرلەمانێ تورکی ژبو بەرژەوەندیا باکورێ کوردستانێ، ئەرێ تالانوکە شیایە سازیەکێ کۆنترول بکەت برێیا کادرێن خو، ئەرێ تانوکە شیایە لڤینەکێ پەیداکەت دناڤ رایا گشتی دا برێیا ھزرڤانێن خوه، ئەرێ تا نوکە ئابدەیتەک یا نووخاز کریە و کریە د پەیرەو پرۆگرام و ئایدلۆجیا خوه‌دا.
دشیاندا ھەیە بێژین بتنێ ھندەک تشتێن کرین ئەۆژی پەیداکرنا سیستەمێ تاک حزبی یێ نەدیموکرات کو رێ نادەن چ پارت و سازیێن پۆلوتیک بێنە دامەزراندن و کاربکەن، دیسان سەربازکرنا نەچاریا سڤیلان و بتایبەت سنێلان و زارۆکان، ھەلبەت گەلەک دێ بێژن خودانێ ڤێ گۆتارێ گەلەکێ ھەڤدژە دگەل په‌كه‌كێ لێ من باوەرە ئەگەر بتنێ کەسەک خوه بدانیتە شوونا دایک و باب و خێزانێت وان شەھیدان، دێ ھەست کەتن دڤێتن لڤینەکێ بکەت، دڤێتن بێژیتن خەبات و شورەشگێری نەمایە لچیای و نەب چەکی یە بەلکو بھزر و دانوستاندنێیە، نەب کۆشتنا برایێن خوه‌یە، نە ب خیانەتگەریێ یە، نەب تاکرەویێ یە، و نەب خورتیکرنێ یە، دێ بێژنە وان دەستا ژجەکێ خوه بەردەن و ژھزرێن خو یێن کلاسیک و نەمینن پارت ئێدی و ناڤێ مە بەس کرێت و پیسکەن لدەف جیھانێ.
سوفوستیزم/مغالطە/خداع
