<h3 style="text-align: justify;"><span style="font-size: 18pt;">رێڤەبەرێ ناحیا باتیفا بۆ خانی نیوز راگەهاند، کۆژمێ 6 ملیار دینارێن ئیراقى بۆ پرۆژەیێ ئاڤێ هاتینە تەرخانکرن و نوکە ژ ئالیێ هەردو کۆمپانیێن لەڤەند و مان گرۆپ کار د پرۆژەیی دا دهێتە کرن و بەردەوامە.</span></h3> <h3 style="text-align: justify;"><span style="font-size: 18pt;">فەرهاد مەحمود گۆت: پرۆژە یێ مەزن و گرنگە نە ب تنێ بۆ ناڤەندا باژێری بەلکو گوندێن دەوروبەران ژی دێ مفایی ژێ بینن ژبەرکو عمباره‌كا مەزن یا هەلگرتنا ئاڤێ دگەل دا ژی ئاڤاهیێ فەرمانگەها بەلاڤکرنا ئاڤی ژی دپرۆژەی دا هەیە.</span></h3> <h3 style="text-align: justify;"><span style="font-size: 18pt;">رێڤەبەرێ ناحیا باتیفا دیاركر، د نها دا پرۆژە ب رێژەیا 40 ژ سه‌دێ کار تێدا هاتیە کرن ب دووراتیا 13 کم دێ هێلا ئاڤێ ب رێکا بۆریان ژئاڤا خابوری ل گوندێ گوفکێ هێتە راکێشان بۆ باتیفا، ده‌مێ پروژەی 455 رۆژن، لێ ب باوەرن دێ بەری دەمێ دیارکری کەڤیتە د خزمەتا دەڤەرێ دا و ژئاریشا کێمبوونا ئاڤا ڤەخوارنێ رزگار بن.</span></h3> <h3 style="text-align: left;"><span style="font-size: 18pt;"> خانی نیوز، </span><span style="font-size: 18pt;">نزار مەجید</span></h3>
