کەمال کەرکوکی: پارتی چار مەرج دانانینه‌ بۆ ڤه‌گه‌ریانێ بۆ کەرکوکێ

کەمال کەرکوکی راگەهاند، كو پارتی چار مەرج دانانینه‌ بۆ ڤه‌گه‌ریانێ بۆ کەرکوکێ، ئه‌وان مەرجان ژى پەیوەندى ب ئاسایكرنا ره‌وشا باژاریڤه‌ هه‌یه‌، دبێژیت، د نها دا شانده‌ك بۆ ئه‌وێ مه‌ره‌مێ ل به‌غدایه‌.

کەمال کەرکوکی بەرپرسێ جڤاتا سەرکردایەتی کەرکوک – گەرمیانی پارتی بۆ دەنگێ ئەمریکا راگەهاندییه‌، دڤێت کەرکوک رادەستێ پۆلیسێن خۆجهیێن باژارى بهێته‌ كرن، دبێژیت، “دڤێت بارەگایێن پارتی و پارتییا گەل یا تورکمانی ژى بهێته‌ چۆڵکرن و ئاسته‌نگان به‌رامبه‌رى ئاڵایێ کوردستانێ ژى نه‌هێنه‌ دانان و پارێزگارییا سەپاندییا کەرکوکێ ژى بهێته‌ لادان و کورده‌ک ببیته‌ پارێزگار.”

بەرپرسێ جڤاتا سەرکردایەتییا کەرکوک – گەرمیانی یا پارتی ئه‌و ژى دیاركرن، دبیت حەشدا شەعبی و حەشدا عەشایری و سوپا و پۆلیسێن فیدراڵى ژى ببه‌نه‌ ده‌رڤه‌یى باژارى.

ئەڤه‌ د ده‌مه‌كیدایه‌، كو پشتى رووداوێن ١٦ی ئۆکتۆبەرا ٢٠١٧ێ ل  کەرکوکێ و ڤه‌گه‌ریانا سوپایێ ئیراقێ بۆ ئەوى باژارى، پارتی بارەگایێن خوه‌ چۆڵکرینه‌ و هه‌تا نها ژى نه‌ڤه‌گه‌ریانه‌ ئه‌وى باژارى.