د دیداره‌كێدا دووپاتى له‌سه‌ر گرنگییا گه‌شه‌پێدانا وارێن هه‌ڤپشك و هاریکارییا دناڤبه‌را هه‌ردوو وه‌ڵاتاندا كر
نێچیرڤان بارزانی، سه‌رۆکێ هه‌رێما کوردستانێ، ئه‌ڤرۆ شه‌مبى 12-6-2021ێ د به‌رده‌وامییا سه‌ردانا خوه دا بۆ ئیماراتێ، سه‌ردانا باڵیۆزخانه‌یا ئیراقێ ل ئه‌بو زه‌بی کر.
د دیداره‌کێدا دگه‌ڵ موزه‌فه‌ر ئه‌لجبووری، باڵیۆز و ستافی باڵیۆزخانه‌یێ، په‌یوه‌ندیێن ئیراقێ و ئیماراتێ و ره‌وشا و کاروبارێن ره‌ڤه‌ندا ئیراقى ل ئیماراتێ گۆتوبێژكر و دووپاتى ل گرنگییا گه‌شه‌پێدانا وارێن هه‌ڤپشك و هاریکارییا دناڤبه‌را هه‌ردوو وه‌ڵاتاندا کر.
نێچیرڤان بارزانی ده‌ستخۆشی ل باڵیۆز و ستافی باڵیۆزخانه‌یێ کر، بۆ کار و بزاڤێن وان و زێده‌تر پێشڤه‌برنا په‌یوه‌ندییان و هیڤییا سه‌ركه‌فتنێ بۆ خواست.
ژلایێ خوه‌ڤه بالیۆزێ ئیراقێ و ستافێ بالیۆزخانه‌یێ،خۆشحالییا خوه ب سه‌ره‌دانا نێچیرڤان بارزانى بۆ بالیوزخانه‌یێ ده‌ربرى.
