جێگرا سەرۆکێ لژنا سامانێن سروشتی ل پەرلەمانێ کوردستانێ دیار كر: نابیت رێکارێن هاتنا بانزینێ ببنە ئەگەرێ گرانبوونا بهایێ وێ و ڤێ چه‌ندێ پێدڤی ب چارەسەریا ب له‌ز هه‌یه، چونكى ئه‌ڤ چه‌نده دێ زیانێ گه‌هینیته ولاتیێن هه‌رێمێ.
گولیزار رەشید سندی، بۆ خانى نیوز گۆت ژى، پێدڤییه رێکارێن ئینانا بەنزینێ بهێنه ب ساناهى كرن، ئاسانکاری بۆ هه‌موو بازرگانان بهێته كرن، نابیت بلندبوونا بهایێ بانزینێ ببیته بارگرانى ل سه‌ر خه‌لكێ و ئه‌ڤه ئاریشه‌كا مه‌زنه و دڤێت چاره‌سه‌ریه‌كا ب له‌ز بۆ ڤى بابه‌تى بهێته كرن.
ئه‌و چه‌ند ژى ئاشكرا كر،”ئەو قانوونا ژ پەرلەمانی دەرکەفتی بۆ وێ چه‌ندێ نەبوو رێکار ببنە ئەگەرێ گرانبوونا بهایێ بانزینێ و پەرلەمانی ژی ئەو مەرج دانابوو، لەوما گرنگە کۆمبوونەکا تایبەت ل گەل ئالیێن پەیوەندیدار یێن حکومەتێ بهێتە کرن و تێدا ئەگەرێن گرانبوونا پبنزینێ بهێنە دیارکرن و رێکارێن بلەز بۆ چارەسەرکرنا وێ بهێنە دیتن”.
