میدیایێن یۆنانى ب گرنگى یڤه به‌حسێ سه‌ره‌دانا مه‌سرور بارزانى، سه‌رۆكێ حكومه‌تا هه‌رێما كوردستانێ بۆ ئه‌سینا و دیدارا كۆمبوونێن وى دگه‌ل سه‌رۆك وه‌زیرێن وى وه‌لاتى و به‌رپرسێن بلندێن یونانێ كر.
رۆژنامه‌یا رۆژانه‌یا یۆنانى به‌لاڤكرییه، ” كیریاكۆس میتسۆتاكیس، سه‌رۆك وه‌زیرێن یۆنانێ ل كۆشكا مه‌كسیمۆس دوهى پێشوازی ل مه‌سرور بارزانی، سه‌رۆك وه‌زیرانی هه‌رێمی كوردستان كربوو، كو بۆ ئێكه‌م جاره سه‌ردانا وڵاتێ مه دكه‌ت” و ئاماژه ژهى دا، د وێ كۆمبوونێدا بیروڕا ده‌رباره‌یى هه‌ڤكاری و گرنگیدانا هه‌ڤپشكا وارێ ئابووری و رۆشنبیری دناڤبه‌را هه‌ردوولایان هاتنه ئاڵوگۆڕكرن و هه‌ردوو لایان ژى ئاماده‌ییا خوه بۆ ئه‌وێ هه‌ماهه‌نگییێ ده‌ربڕی.
هه‌روه‌سا رۆژنامه‌ییا “زه تۆك”ا یۆنانی ژى ب گرنگیی ڤه به‌حسێ سه‌ره‌دانا سه‌رۆك وه‌زیرێن هه‌رێما كوردستانێ بۆ وڵاتێ وان كر.
و پێگه‌هێ ئه‌لیكترۆنیێ رۆژنامه‌ییا “نه‌ته‌وه”یا یۆنانی ژى بڵاڤكرییه،كو سه‌رۆك وه‌زیرێن هه‌رێما كوردستانێ بۆ ئێكه‌م جاره سه‌ردانا یۆنانێ دكه‌ت.
رۆژنامه‌یا “هێما”یا یۆنانى ژى ب هه‌مان شێوه ب گرنگیی ڤه به‌حسێ سه‌ردانا سه‌رۆك وه‌زیرێن هه‌رێما كوردستانێ بۆ وه‌لاتێ وان كرییه و بڵاڤكرییه، “هه‌ردوو سه‌رۆك وه‌زیران پرسا سه‌قامگیرییا ده‌ڤه‌رێ ل سه‌ر ئاسته‌كیێ به‌رفره‌ه هاته گۆتوبێژكرن.
