كۆمه‌لا سوورى یا چاڤدێریكرنا مافێن مرۆڤى راگه‌هاند؛ رۆژا شه‌مبى هه‌ژماره‌كا مووشه‌كان ل نه‌خۆشخانه‌یه‌كا باژێرێ عه‌فرینێ كه‌فتنه خوار و بوو ئه‌گه‌رێ گیان ژ ده‌ستدانا 18 كه‌سان و برینداربوونا 23 كه‌سان.
كۆمه‌لا سوورى بۆ چاڤدێریكرنا مافێن مرۆڤى دیار ژى كر، ئه‌و مووشه‌كه ل ده‌ڤه‌رێن ژێر ده‌ستهه‌لاتا حكومه‌تا سووریێ هاتینه هاڤێتن، لێ پارێزگارێ خه‌تایێ یا باكورێ كوردستانێ یه‌كینه‌یێن پاراستنا گه‌ل یه‌په‌گه ب وێ هێرشێ تۆمه‌تباردكه‌ت، ل گۆره‌ى لێدوانا پارێزگارێ خه‌تایێ، ئه‌و مووشه‌ك ژ جۆرێ گراد بوون و ل تل ره‌فعه‌ت هاتینه په‌قاندن و كه‌فتینه ناڤا نه‌خۆشخانا شیفا ل عه‌فرینێ.
ده‌رباره‌ى وێ یه‌كێ نێرینگه‌ها سوورى یا مافێن مرۆڤى راگه‌هاند؛ پزیشكه‌كى و سێ كارمه‌ندێن نه‌خۆشخانێ و دو ژن و دو زارۆیان د وێ هێرشێ دا ژیانا خوه ژده‌ست دایه و ژ لایێ گرۆپێن چه‌كدار یێن سه‌ر ب توركیا ڤه هاتییه‌كرن.
