دەست ب دروستکرنا پڕۆژێ ئەندەرپاسا سێمێلێ هاتەکرن

رێڤەبەرییا رێک و پرا ل پارێزگەها دهۆكێ بۆ خانی نیوز راگەهاند، كو ئەڤرۆ 14/6/2021دەست ب دروستکرنا پڕۆژێ ئەندەرپاسا فلکا مرنێ ل سێمێلێ هاتەکرن.

خەدیجە محەمەد ئەحمەد، رێڤەبەرا رێک و پرا ل پاێزگەها دهۆکێ گۆت، ئەڤ پڕۆژێ دروستکرنا ئەندەرپاسێ ل سێمێلێ ب کوژمێ 4 ملیار و 200 ملیون دینارێن ئیراقییە، و ئەو ماوەیێ بۆ ڤی پڕۆژەی هاتییە دانان 500 ڕۆژن کو ئەو پێشبینی دکەن دێ زووتر ب دوماهی هێت.

خەدیجە محەمەد دیار ژى كر، دروستکرنا ڤی پڕۆژەی دێ خزمەتا پارێزگەها دهۆکێ هەمیێ کەت ژبەر کو ئەو رێ رێیەکا ستراتیژیە و ئێدی قەره‌بالغی ل سەر وێ ریێ دێ کێم بیت و نامینیت، و هەروەسا ئەو روودانێن دلتەزین یێن ل وی جهی دروست د بووین دێ کێمتر بن ژبەرکو بەری نها روودانێن دلتەزین ل وی جهی دروست دبوون.

خانی نیوز، سەعد عاسف