كازم ساهر دێ پشكداریێ د ئاهه‌نگا ڤه‌كرنا جاما خه‌لیجى یا 25 دا كه‌ت

وه‌زیرێ وه‌رزش و لاوان یێن ئیراقێ عه‌دنان درجال ب فه‌رمى هونه‌رمه‌ندێ ناڤدارێ ئیراقی كازم ساهر داخوازكرییه‌ ئاهه‌نگا ڤه‌كرنا جاما خه‌لیجى یا 25ێ.

وه‌زیرێ وه‌رزش و لاوانێن ئیراقێ عه‌دنان درجال، پێشوازى ل شاندا حه‌ژێكه‌رێن هونه‌رمه‌ندێ جیهانى یێ ئیراقى كازم ساهر ل نڤێسینگه‌ها خوه‌ ل وه‌زاره‌تێ كر، و وه‌زیرى حه‌زژێكرنا خوه‌ و رێزا خوه‌ بۆ هونه‌رمه‌ند كازم ساهرى ده‌ربرى، كو دهێته‌ هژمارتن ئێك ژ ئه‌هرامێن هونه‌رێ به‌رز و نوو ل جیهانێ و وى ناڤ و ده‌نگییه‌كا مه‌زن ل جیهانێ هه‌یه‌.

شاندى ژى كه‌یفخوه‌شییا خوه‌ ده‌ربرى ب وێ پێشوازیێ و پشكدارییا رابیتا هونه‌رمه‌ند كازم ساهر ل جاما خه‌لیجى 25 و چالاكیێن به‌غدا پایته‌ختێ لاوێن عه‌ره‌بى و دگه‌ل چه‌ندین كارێن خوه‌ به‌خشى و كو دناڤ به‌رنامه‌یێ وه‌زاره‌تێ دا هه‌یه‌.

درجالى ئاماژه‌ ژى دا كو پشكدارییا قه‌یسه‌ر كازم ساهرى د چالكیێن خه‌لیجى 25 دا ل به‌سرا و ئاماده‌بوونا وى د ڤه‌كرنا خه‌لیجى به‌سرا دێ زێده‌هییه‌كا دى بیت ل سه‌ر جامێ زێده‌كه‌ت.

ِ