ژێده‌ره‌كى د كومبوونا لژنەیا داراییا پەرلەمانى و وەزیری دارای دا ڕاگەهاند، ” ئاوات شێخ جەناب د كۆمبوونێدا گۆتى بۆ ئەڤێ هه‌یڤێ ل رۆژ 25ێ هه‌یڤێ دێ دەست ب به‌لاڤكرنا مووچەى كه‌ین”.
بۆ پرسا مووچەیى و یاساییا چاکسازیێ و بایۆمەتری، لژنەیا دارایی ل گەڵ وەزیریێ دارایی وسکرتێرێ لژنەیا بلندا چاکسازىێ كۆمبوویه.
ل دوویڤ راگه‌هاندنا پەرلەمانێ کوردستانێ، ئەڤڕۆ دووشەمبى 2021/6/14، لژنەی دارایی و کاروبارێن ئابووری، ب سەرپەرشتییا زیاد جەبار، سەرۆکێ لژنەیێ و ب ئاماده‌بوونا جێگرێ سەرۆكێ لیژنەیێ و ئەندام و ڕاوێژکارێن لژنێ، ل هۆڵا لیژنه‌یێ ل ته‌لارێ په‌رله‌مانى، ل گه‌ڵ ئاوات شێخ جەناب، وەزیرێ دارایی و كاروبارێ ئابوورى و د.عەبدولحەکیم خەسرۆ، سکرتێرێ لژنەییا بلندا چاکسازىێ كۆمبوون.
ئاماژە ژى كرییه، کۆمبوون یا تایبەت بوو ب گۆتوبێژكرنا ڕاپۆرتا دووێ لژنەیا بلندا چاکسازیێ ل مووچە و خانه‌نشینى و دەڕماڵە و بەخشین و ئیمتیازاتان ل هه‌رێما كوردستانێ، هاتووە “ل دەستپێکا كۆمبوونێدا ئاوات شێخ جەناب، وه‌زیرێ دارایى، کۆمەڵه‌كا زانیارییا و وردەکارییان پێشکەشى ئەندامێن لژنێ کرن، سەبارەت ڕاپۆرتا دووێ یا لژنێ چاکسازی و پاشى بابەتێن کلێشەیا بایۆمەتریی دیاركر.
وەزیری دارایی بۆ ئەندامێن لژنه‌یێ ڕاگەهاند: “کلێشەیا بایۆمەتری ژلایەنێ وەزارەتا دارایی هنارتییه بۆ وەزارەت و فەرمانگەهان ب مەبەستا پشتراستبوونێ.
ڕاگه‌هاندنا پەرلەمانى به‌حسێ هندێ کرییه ل پشكه‌كا دییا کۆمبوونێدات د.عەبدولحەکیم خەسرۆ، سکرتێرێ لژنەییا بلندا چاکسازیێ درێژى ب بابه‌تێ راپۆرتا دووێ یا چاکسازیێ دا و تیشک ئێخستنە سەر پرسا پێداچوونا دەڕماڵەیێن فەرمانبەران.
دووپاتى ل سه‌ر هندێ كرییه، كو بریاره ئه‌وه ل رۆژانێن داهاتى دا كۆمبوونا لیژنێ یا به‌رده‌وام بۆ ڤێ مه‌ره‌مێ.
