هه‌ردو وه‌زاره‌تێن بازرگانییا ئیراقێ و حكومه‌تا هه‌رێما كوردستانێ، لژنه‌یه‌كا هه‌ڤپشك بۆ مه‌ره‌ما چاره‌سه‌ركرنا ئاریشێن دناڤبه‌را واندا دێ پێكئینن و دووپاتكرنه‌ڤه، دڤێت دابه‌شكرنا ئاهێن خوارنێ ل هه‌موو باژێران وه‌كى ئێك بیت.
ل دوویڤ راگه‌هاندنه‌كا وه‌زاره‌تا بازرگانی، شانده‌كێ وه‌زاره‌تا بازرگانییا ئیراقا فیدڕاڵى ب سه‌رپه‌رشتییا عه‌لا ئه‌حمه‌د جبوری وه‌زیرێ بازرگانی سه‌ردانا وه‌زاره‌تا بازرگانی و پیشه‌سازی كر.
شاند ژ‌لایه‌نێ وه‌زیرێ بازرگانی و بریكارێن وه‌زاره‌ت و رێڤه‌به‌رێن گشتیێن وه‌زاره‌تێ پێشوازى لێ هاته كرن،د كۆمبوونێدا چه‌ندین بابه‌تێن گرنگ به‌حس لێ هاته كرن، ژ وان ژى هه‌ماهه‌نگییا دناڤبه‌را هه‌ردو وه‌زاره‌ت و چه‌وانییا بله‌زكرنێ د دابه‌شكرنا شایستیێن دارایێن گه‌نمێ جوتیاران بۆ ئه‌ڤساڵه و ساڵانێن به‌رێ.
هه‌ر ل دووڤ راگه‌هاندنێ، به‌حسێ به‌لاڤكرنا ئاهێن خوارنێ یێن هه‌یڤانه یێن هاوه‌لاتییان هاته كرن و دووپاتى كرییه، پێدڤییه ل هه‌موو باژێران وه‌كو ئێك بن، هه‌روه‌سا لژنه‌كا هه‌ڤپشك دناڤبه‌را هه‌ردو وه‌زاره‌تان بۆ مه‌ره‌ما چاره‌سه‌ركرنا هه‌موو ئه‌وان ئاریشه‌و و گرفتێن كو هه‌نه پێكئینا.
