مه‌سرور بارزانى: سوپاسیا حکومەتا ئیتالیا کر بۆ پشته‌ڤانییا هێزێن پێشمه‌رگه‌ى

مه‌سرور بارزانى سه‌رۆكێ حكومه‌تا هه‌رێما كوردستانێ ئه‌ڤرۆ شه‌مبی 19 خزیرانا 2021 پێشوازى ل جه‌نه‌رال فرانچیسكۆ پرینجیپى فه‌رماندێ گشتیێ هێزێن ئیتالیا ل ئێراقێ كر، و ب دوماهیك ئینانا ئه‌ركێن خوه‌ ل ئێراقێ، سه‌ره‌دانا حكومه‌تێ كر.

سەرۆکێ حکومەتێ سوپاسیا حکومەتا ئیتالیا کر بۆ پشته‌ڤانی و پشتگیریا هێزێن پێشمه‌رگه‌ى د به‌رهنگاربوونا تیرورستێن داعش دا، هیڤیا سه‌ركه‌فتنێ بۆ جه‌نه‌رال فرانچێسكۆ خواست د ئه‌ركێن بهێت دا.

فه‌رماندێ گشتى یێ هێزێن ئیتالیا ل ئێراقێ، ئاماژه‌ ب په‌یوه‌ندیێن دوستانه‌ و دیرۆكى دناڤبه‌را كوردستانێ و ئیتالیا دا كر په‌سنا هه‌رێما كوردستانێ كر كو بوویه‌ په‌ناگه‌هه‌كێ ئارام بۆ ئاوه‌ران وپه‌نابه‌ران و و ناڤه‌ندا پێكڤه‌ ژیانێ و ئاشتیێ ل ده‌ڤه‌رێ .