کۆمسیۆنا هەلبژارتنێن ئیراقێ د ڤێ هه‌فتیێ دا ناڤێن به‌ربژێرێن هه‌لبژارتنێن بهێت دێ په‌سه‌ند كه‌ت.
حەسەن سەلمان، رێڤه‌به‌رێ راگه‌هاندن وپه‌یوه‌ندیان ل كۆمسیونا بلند یا هه‌لبژارتنێن ئیراقێ د كۆنگره‌یه‌كێ رۆژنامه‌ڤانی دا راگه‌هاند: ئه‌گه‌رێ گیرووبوونا جێبیه‌جێكرنا ناڤێن به‌ربژێرێن هه‌لبژارتنێن بهێت یێن جڤاتا نوونه‌ران بۆ لایه‌نێن سیاسى ڤه‌دگه‌ریت.
حەسەن سەلمان ئاماژه ب هندێ ژى كر: ئه‌و ناڤێن بۆ كۆمسیونێ هاتینه هنارتین دێ ده‌نه پشكا هه‌لبژارتنێن كۆمسیۆنێ بۆ په‌سه‌ندكرنێ و ئه‌گه‌ره‌كێ زۆره ڤێ هه‌فتیێ ناڤێن وان بهێنه په‌سه‌ندكرن.
بریاره 10 ئۆكتوبه‌را 2021 هه‌لبژارتنێن جڤاتا نوونه‌ران بهێنه ئه‌نجامدان، به‌لێ ب بووچوونا هنده‌ك لایه‌نێن سیاسى ره‌وشا ئێمناهیێ و سیاسى یا ئیراقێ بۆ هه‌لبژارتنان نه‌یا گونجایه.
