دادگه‌ها ده‌ستوورى یا توركیا ئه‌ڤرۆ دێ بریارا داوییێ ده‌رباره‌ى داخستن یان دانه‌خستنا پارتا دیمۆكراتیك یا گه‌لان هه‌ده‌پێ ده‌ت.
پشتى داواكارێ گشتى یێ توركیا دۆسه‌یه‌كا 850 لاپه‌ر دژى هه‌ده‌پێ ره‌وانه‌ى دادگه‌ها ده‌ستوورى یا توركیا كرى و داخوازكرى ئه‌و پارته بهێته داخستن، ئه‌ڤرۆ دادگه‌ها ده‌ستوورى دێ بریارا داوییێ ل سه‌ر وى بابه‌تى ده‌ت.
بریار دێ ژ دو لایه‌نا ڤه بیت، لایه‌نێ ئێكێ ل سه‌ر داخوازییا دادگه‌رێ گشتى یه كۆ داخوازكرییه ده‌ست ب سه‌ر هه‌ژمارا بانكى یا هه‌ده‌پێ دا بهێته‌گرتن و حكومه‌ت ژى هاریكارییا دارایى یا وێ حزبێ نه‌كه‌ت.
لایه‌نێ دووێ قه‌ده‌غه‌كرنا سیاسه‌تێ یه ژ 451 ئه‌ندامێن هه‌ده‌پێ كۆ پترییا وان كه‌سایه‌تییێن سیاسى و په‌رله‌مانتار و ئه‌ندامێن سه‌ركردایه‌تییێ یێن وێ پارتێ نه، ب ڤى ره‌نگى ئه‌گه‌ر دادگه‌ها ده‌ستوورى بریارا داخستنا هه‌ده‌پێ بده‌ت، ئه‌و پارته ب ئێك جارى دێ هه‌لوه‌شیت ژبه‌ركۆ دێ قه‌ده‌غه‌یا سیاسه‌تكرنێ ل سه‌ر هه‌موو سه‌ركردایه‌تییا وێ پارتێ هه‌بیت.
