رێڤه‌به‌رێ نه‌فت و كانزایان ل پارێزگه‌ها دهۆكێ راگه‌هاند، ژ سالا 2015 وه‌ره بهایێ بانزینێ د ده‌ستێ بازرگانان دایه و ب تنێ حكومه‌ت دووڤچوونا كوالێتیا جۆرێ پانزینێ و رێكخستنا ده‌ستووردانان دكه‌ت.
محسن ته‌ها، رێڤه‌به‌رێ نه‌فت و كانزایان بۆ خانى نیوز راگه‌هاند: ئه‌و به‌رده‌وام دووڤچوونێ ل سه‌ر كوالێتیا بانزینێ دكه‌ن و لژنێن وان رۆژانه دووڤچوونێ ل سه‌ر پانزینخانێن قه‌زا و پارێزگه‌ها دهۆكێ دكه‌ن.
محسن ته‌هاى گۆت ژى، مه‌هانه نێزیكى 600 پشكنین ل وێسگه‌هێن پانزینخانان دهێنه كرن و ل مه‌ها ئادارا ئه‌ڤ ساله 3 پانزینخانان سه‌رپێچى كرینه و ل مه‌هێن نیسان و گۆلان ژى 4 پانزینخانه هاتینه داخستن و ئه‌ڤ جهێن هاتینه داخستن ب كۆژمه‌كێ پاره‌ى هاتینه سزادان و بۆ ده‌مه‌كى ژ كارى هاتینه راگرتن.
رێڤه‌به‌رێ نه‌فت و كانزایان دیار كر ژى، لژنه‌یێن هاتینه دروست كرن پێكدهێن ژ نوونه‌رێن قه‌زایان و نوونه‌رێن ئاسایشێ كو دهه‌ڤپشكن دگه‌ل نوونه‌رێن رێڤه‌به‌رێ نه‌فت و كانزایان و رۆژانه سمپلێن وان ل تاقیگه‌هان دهێنه پشكنین كرن، ئه‌گه‌ر ل دووڤ سالۆخه‌تێن وه‌زاره‌تا سامانێن سرۆشتى ده‌ست نیشان كرین نه‌بیت دهێنه داخستن و سزادان.
