مه‌سرور بارزانى سه‌رۆكێ حكومه‌تا هه‌رێما كوردستانێ ئه‌ڤرۆ دوشه‌مبى 21/6/2021 پێشوازى ل ئیب پیته‌رسن جێگرێ رێڤه‌به‌رێ گشتىی یێ سندوقا نه‌ته‌وێن ئێكگرتى و ئاكنجیێن (UNFPA ) و شاندێ ل گه‌ل دا كر.
د كۆمبوونێ دا گوتۆبێژ ده‌رباره‌ى گرنگىپێدان و هه‌ماهه‌نگیێ دناڤبه‌را حكومه‌تا هه‌رێما كوردستانێ و سندوقا نه‌ته‌وێن ئێگرتى بۆ ئاكنجیان كر و ب ئارمانجا گه‌شه‌پێدانا به‌رده‌وامیا ئاكنجیان.
سه‌رۆكێ حكومه‌تێ ئاماده‌یا حكومه‌تا هه‌رێما كوردستانێ ده‌ربرى بۆ پشته‌ڤانیكرنا به‌رنامێن نه‌ته‌وێن ئێكگرتى ژ پێخه‌مه‌ت گه‌شه‌پێدانا ئاكنجیێن هه‌رێما كوردستانێ و باشتركرنا ره‌وشا ساخله‌میێ و خواندنێ و گرنگیپێدانا سامانێ مرۆڤى.
د كۆمبونێ دا به‌حسێ رێگریكرنا توندوتیژیا خێزانى و باشكرنا ره‌وشا خێزانا كر كو بنه‌مایه‌كێ گرنگێ جڤاكێ ساخله‌مه، هه‌روه‌سا گۆتییه، ل هنده‌ك ده‌ڤه‌رێن ئێراقێ ب تایبه‌تى ده‌ڤه‌رێن ده‌رڤه‌ى ئیدرا هه‌رێما كوردستانێ ، گوهۆرینا دیموگرافى ئه‌نجامدایه ب سه‌ده‌هان ئاكنجیێن وێ ده‌ڤه‌رێ ژ به‌ر شه‌ر و نه‌سه‌قامگیریێ جهێن خوه ب نه‌چارى بجههێلاینه و هنده‌ك خه‌لكێن دى ئیناینه وان جهان.
