گەنجەکێ زاخۆ ب ناڤێ (ع ، م )، كو د ژیێ (٢٥) سالیێ دابوو، ل هوله‌كا شەهیانان ل زاخۆ کارێ لێنانگەهێ دکر و ل ده‌مێ كارى دکەڤیتە دناڤا قازانەکا سۆبا مریشکێ دا و له‌شێ وى ب رێژەیا ٣٥٪ دهێتە سوتن و دهێتە ڤەگۆهاستن بۆ نەخۆشخانا سوتنێ ل دهۆکێ.
ل 17/6/2021 ل هۆله‌كا شەهیانان ل باژێرێ زاخۆ ل دەمێ چێكرنا خوارنێ بۆ دەواتیان، ئه‌و گەنجه دکەڤیتە دقازانێ دا و له‌شێ وی ب رێژەیا ٣٥٪ دهێته سۆتن.
ئەمیر عەلی بەرپرسێ راگەهاندنا ساخلەمییا زاخۆ بۆ خانی نیوز راگەهاند: مە ل زاخۆ چ پشكێن تایبەت یێن سۆتنێ نینن، لەوما ئێکسەر ب ڕێیا تیمێن ساخلەمیێ ئه‌و كه‌سێن دهینه سۆتن دهێنە ڤەگۆهاستن بۆ پارێزگەها دهۆکێ.
ناڤهاتى گۆت ژى: پشتی بورینا پێنج رۆژان ژ سۆتنا وی گەنجێ زاخۆ ئەڤرۆ ل نەخۆشخانا سۆتنێ ل دهۆکێ وه‌غه‌ر كر.
