قوباد تاله‌بانێ دگه‌ل كونسولێ نوو یێ یۆنانێ كۆمبوو

قوباد تاله‌بانێ جێگرێ سه‌رۆك وه‌زیرێ هه‌رێما كوردستانێ، پێشوازى ل ستاڤرۆس كیریمیس كونسولێ گشتى یێ یۆنانێ ل هه‌رێما كوردستانێ كر پێكڤه‌ په‌یوه‌ندیێن دووقولى و چه‌وانیا گرنگیپێدانا په‌یوه‌ندیێن دناڤبه‌را هه‌رێما كوردستانێ و وه‌لاتێ یۆنان گۆتوبێژ كرن.   

ل دووڤ راگه‌هاندنا نڤێسینگه‌ها جێگرێ سه‌رۆك وه‌زیران، د كۆمبوونا ئه‌ڤرۆیا سێشه‌مبى 22 /6/2021 ل هه‌ولێرێ قوباد تاله‌بانى پیروزباهی یا ده‌ست بكاربوونا كونسولێ نوویێ یۆنانێ كر، د ئه‌ركێ نوودا داخازكر هه‌رتشتێ بكه‌ت بۆ پێشڤه‌برنا په‌یوه‌ندیێن دناڤبه‌را هه‌ولێر و ئه‌سینا دا ب تایبه‌تى د وارێ گه‌شتیارى و خواندنا بلند و كه‌له‌پوری و بازرگانى .

دیار ژى كر، قوباد تاله‌یانى پوخته‌یه‌ك  ده‌ربارێ كارمه‌ندێن حكومه‌تا هه‌رێمێ پێشكێشى كونسولێ یۆنان كرن و جه‌ختكرییه‌ كو حكومه‌تا هه‌رێمێ كاربوو به‌رفرهه‌كرنا ژێده‌رێن داهاتى دكه‌ت و په‌سنا نموونه‌یا یۆنانێ كر و گرنگیدان ب گه‌شتوگوزارێ كو دبیته‌ ئه‌زموونه‌ك بۆ هه‌رێما كوردستانێ.

ژ لایێ خوه‌ڤه‌ كونسولێ نوویێ یۆنانێ ئاماده‌ییا وه‌لاتێ خوه‌ دیاركر بۆ گرنگیپێدانا هاریكاریێن زێده‌تر دگه‌ل هه‌رێما كوردستانێ ب تایبه‌تى دروستكرنا په‌یوه‌ندیێن باژێرێن هه‌رێما كوردستانێ و باژێرێن یۆنانێ .

هه‌روه‌سا بریاره‌ ل ڤان نێزیكان سه‌رۆك وه‌زیرێ یۆنانێ بهێته‌ ئێراقێ و هه‌رێما كوردستانێ ژى دێ ئێك بیت ژ وێسگه‌هێن سه‌ره‌دانكرنا وى.