د.خه‌یرى عه‌لى ئوسو رێڤه‌به‌رێ گشتی یێ گه‌شتۆ گۆزارى ل پارێزگه‌ها دهۆكێ راگه‌هاند: ژ ئه‌گه‌رێ شه‌رێ په‌كه‌كێ زێده‌تر ژ 20 جهێن گه‌شتیارى ل سنوورێ پارێزگه‌ها دهوكێ هاتنه داخستن.
رێڤه‌به‌رێ گشتی یێ گه‌شتۆ گۆزارى ل دهوكێ ئاماژه‌كر، پشتى رێژا توشبۆیین كۆرۆنایێ به‌ره‌ڤ كێمبوونێ چووى رێژا گه‌شتیاران به‌ره‌ڤ زێده‌بوونێ دچیت. هه‌روه‌سا دهێته چاڤه‌رێكرن پشتى تاقیكرنێن قوتابیان ب دوماهى دهێن رێژا گه‌شتیاران زێده‌ترببیت.
گوت ژى: رێڤه‌به‌ریا وان 15 تیم هه‌نه بۆ پێشوازیكرن ل گه‌شتیاران ل 7 قه‌زایێن دهۆكێ و ئه‌و به‌رده‌وام بزاڤا دكه‌ین سه‌رنجا گه‌شتیارێن ده‌رڤه‌ى ئیراقێ و وه‌لاتێن كه‌نداڤى راكێشین كو قه‌ستا هه‌رێمێ بكه‌ن.
دیاركر ژى، د ئه‌ڤ ساله‌دا 15 مۆله‌ت داینه جهێن نوو یێن گه‌شتیارى ل سنوورێ پارێزگه‌هێ، هه‌روه‌سا چه‌ند جهێن دى یێن مه‌زن وه‌ك چیایێ زاوا هاتیه ڤه‌كرن، چیایێ گاره و سه‌رسنك درێدانه.
