كوگه‌هه‌كا چه‌ك و ته‌قه‌مه‌نیێن داعش هاته‌ ئاشكرا كرن

هێزێن ئێمناهى یێن ئیراقێ راگه‌هاندیه‌؛ ئه‌وان كوگه‌هه‌كا مه‌زن یا چه‌ك و ته‌قه‌مه‌نیێن تیرورستێن داعش ئاشكرا كرییه‌.

شانه‌یا راگه‌هاندنا ئه‌منى یا ئیراقی د به‌یاننامه‌كێ دا راگه‌هاندیه‌؛ پشتى ده‌سته‌سه‌ركرنا ئێك ژ به‌رپرسێن رێكخراوا داعش كوگه‌هه‌كا مه‌زن یا چه‌ك و ته‌قه‌مه‌نیێن رێكخراوا داعش ل باكۆرێ به‌غدا ئاشكرا كرییه‌.

د به‌یاننامێ دا دیاركرییه‌ ژى؛ كوگه‌هـ ژ هه‌شت نارنجۆكان، كۆنترۆلێن ته‌قه‌مه‌نییان، هژماره‌كا فیشه‌كان و چه‌كێن 14.5 ملیم و 12.7 ملیم زێده‌بارى چه‌كێ ژ جورێ كلاشینكوف پێكدهات.