دەرگەهێ سێمالکا جارەکا دی هاتە گرتن

بۆ دەمێ چەندین جارایە دەرگەهێ سێمالکا ژلایێ هێزێن کوردی یێن ڕوژئاڤایێ کوردستانێ ڤە دهێتە گرتن ، دەرگەهێ سێمالکا دبن کونترۆلا هێزێن یەپەگێ و هێزا سوریا دیموکرات دایە .

ژێدەرەکێ تایبەت بۆ خانی نیۆز ڕاگەهاند چ جارا دەرگەهێ پێشابوورێ ژلایێ حکومەتا هەرێما کوردستانێ ڤە نەهاتیە گرتن و دەرگەهێ ناڤهاتی پتر بۆ دەرگەهێ مروڤایەتی هاتیە بکارئینان و گۆت: گەلەک خەلک مایە ل رەخێ سێمالکا خۆدان ئیقامەنە و دڤێن ڤەگەرنە هەرێما کوردستانێ لێ ڕێک ژلایێ هێزێن کوردی ڤە ل سێمالکا ب کەسێ ناهێتە دان ، مەچەندین جارا هەول دایە بگەهینە ئەنجامەکێ و ئەگەرێن داخستنێ دیاربکەن لێ دیارنەکریە و ل دووف حەزا خوە دگرن و ڤەدکەن .

هەمان ژێدەر گوت : د دەمێ حەفتیەکێ دا سێ جار دەرگەهێ سێمالکا هاتیە گرتن ژلایێ مەڤە وەک حکومەتا هەرێما کوردستانێ ژبلی کاودانێن نەچاڤەرێ کری چ جارا دەرگەهێ پێشابوورێ نەهاتیە گرتن .

خانی نیوز ، نزار مەجید