<h3 style="text-align: justify;"><span style="font-size: 18pt;"><strong>وه‌زیرێ داد یێ حكومه‌تا هه‌رێما كوردستانێ، راگه‌هاند، پێداچوونێ ب بڕیارا دادگه‌ها فیدڕاڵى یا عێراقێ دكه‌ینه‌ڤه، كو داخوازییه‌كا وه‌زاره‌تا داد یا حكومه‌تا هه‌رێما كوردستانێ ره‌ت دكه‌ت، تایبه‌ت ب دامه‌زراندنا دادگایه‌كا تایبه‌ت ب تاوانێن داعشێ ڤه كرییه.</strong></span></h3> <h3 style="text-align: justify;"><span style="font-size: 18pt;">فرسه‌ت ئه‌حمه‌د وه‌زیرێ داد یێ حكومه‌تا هه‌رێما كوردستانێ راگه‌هاند، وه‌ك هه‌رێما كوردستانێ، مه داخوازه‌ك ئاڕاسته‌ى دادگه‌ها فیدڕاڵى یا عێراقێ كر، تایبه‌ت ب دامه‌زراندنا دادگه‌ها تاوانێن داعشێ، ل هه‌رێما كوردستانێ، ئه‌و داخوازییه ژى ژ‌لایه‌نێ دادگه‌ها فیدڕاڵى ڤه هاتیه ره‌تكرن، مه‌ره‌م ژ دامەزراندنێ، دادگه‌هكرنا ئه‌وان كه‌سانه، كهو تاوانێن ئه‌كشه‌نجه‌دان و کوشتنێ ل ریزێن چه‌كدارێن داعشێ ئەنجامداینه.</span></h3> <h3 style="text-align: justify;"><span style="font-size: 18pt;">وه‌زیری داد، راگه‌هاند ژى :كو دوو ساڵه هه‌رێما كوردستانێ به‌ڵگه‌نامه‌ىێن پێدڤى ل سه‌ر تاوانێن رێكخراوا تیرۆریستێن داعشێ كۆمڤه‌كرینه، كارێ جددی ژى ل سه‌ر كرییه.</span></h3> <h3 style="text-align: justify;"><span style="font-size: 18pt;">فرسه‌ت ئه‌حمه‌د روون ژى كرییه، پێداچوون د بڕیارا دادگه‌ها فیدڕاڵى یا عێراقێ دا دكهین، به‌لێ تانه ل بڕیارى دادگه‌ها فیدڕاڵى ناهێته دان، هێشتا ژى ده‌رفه‌تا گۆتوبێژكرنێ مایه، دروستكرنا ئه‌وێ دادگه‌هێ ژى تشته‌كێ تایبه‌تى نینه، به‌ڵكى پێنگاڤه‌كا تایبه‌تمه‌نده.</span></h3> <h3 style="text-align: justify;"><span style="font-size: 18pt;">به‌رى نوكه كه‌ریم ئه‌سه‌د ئه‌حمه‌د خان، سه‌رۆكێ تیما یوونایتد و داواكارێ گشتىێ نیڤ ده‌وڵه‌تى، تایبه‌ت ب تاوانێن داعشێ، پێشوازى ل ڤێ پێنگاڤا حكومه‌تا هه‌رێما كوردستانێ كرییه، ده‌رباره‌یى ڤێ ژه‌ندێ مه‌سرور بارزانى سه‌رۆكێ حكومه‌تا هه‌رێما كوردستانێ سوپاسییا ناڤبرى كرییه، كو پشتگیرییا وێ داخوازییا هه‌رێما كوردستانێ كرییه، تایبەت ب دامەزراندنا دادگه‌هه‌كێ بۆ تاوانبارێن داعشێ.</span></h3> <h3 style="text-align: justify;"></h3>
