سلێمانى: بانده‌كێ دزیێن شوونواران هاته‌ ده‌سته‌سه‌ركرن

بانده‌كێ دزینا شوونواران ل سلێمانیێ هاتنه‌ ده‌سته‌سه‌ركرن، كو ژ پێنچ كه‌سان پێكهاتبوون و ده‌ست ب سه‌ر دوو په‌رتووكێن كه‌ڤن ژى داگرت كو ب هزاران سالان به‌رى نوكه‌ دزڤریت.

 هێزا ئه‌منیا سلێمانیێ د به‌یانامه‌كێدا ئاشكراكر رۆژا 17 حوزه‌یران/ یونیو 2021 پشتى كۆمكرنا زانیاریان و دیڤچوونێ ، شیان بانده‌كێ ژ 5 كه‌سى ل سه‌ر دزینا شوونواران ده‌سته‌سه‌ربكه‌ن.

د به‌یانامێدا هاتییه‌ باند ل باشورێ ئێراقێ هاتییه‌ و دوو په‌رتووك ژى دزینه‌ و ئیناینه‌ سلێمانیێ ب مه‌ره‌ما مامه‌له‌كرنێ و هنارتنا ده‌رڤه‌یا هه‌رێما كوردستانێ.

هه‌ردوو په‌رتوكێن كه‌ڤن دیرۆكا وان  بۆ هزاران سالان به‌رى نوكه‌ دزڤریت و هه‌ر دوو ئاینێن(جووله‌كه‌ و مه‌سیحى) ب ناڤێ ته‌ورات و ئینجیل كو ل سه‌ر پیستى وئاڤا زێرى نڤێسی بوون.

سه‌رجه‌مێ وان باندان ب ناڤێ (أ.أ.أ)ژ دایكبوویێ1977 وعه‌ره‌به و ئاكنجیێ دیاله‌یه‌ (ه.ر.ر) ژ دایكبوویێ 1986 وئاكنجیێ سلێمانیێ یه‌ (ر.ر.م) 1965 و ئاكنجیێ سلێمانیێ یه‌ و (ك.ف.م)ژ دایكبوویێ 1981 وئاكنجیێ هه‌ولێرێ یه‌ (أ.ك.ع) ژ دایكبوویێ 1981 و ئاكنجیێ سلێمانیێ یه‌ ل دووڤ ماددێ 60 ێ شوونوارى هاتینه‌ ده‌سته‌سه‌ركرن و ده‌ست ب سه‌ر هه‌ردوو په‌رتووكان ژى دا گرتینه‌ و ڤه‌كولین ژى د دوسه‌یێن وان دا به‌رده‌وامه‌.