<h3 style="text-align: justify;"><span style="font-size: 18pt;">شیره‌تكارێ ئێمناهییا نشتیمانی ل ئیراقێ راگه‌هاند؛ سه‌رۆكوه‌زیرێن ئێراقێ ل نێزیك دێ سه‌ره‌دانا واشنتۆنێ كه‌ت و خشته‌یه‌ك ژ بۆ ڤه‌كێشانا هێزێن ئه‌مریكی ل ئیراقێ دانیت.</span></h3> <h3 style="text-align: justify;"><span style="font-size: 18pt;">قاسم ئه‌عره‌جی ئه‌ڤرۆ د داخویانییه‌كێ دا بۆ كه‌نالێن ئیراقی راگه‌هاندییه؛ موسته‌فا كازمی ل نێزیك دێ سه‌ره‌دانا واشنتۆنێ كه‌ت دا كو رێككه‌فتنێ ل سه‌ر دانانا خشته‌كى ژ بۆ ڤه‌كێشانا هێزێن ئه‌مریكی ل ئیراقێ بكه‌ت و گۆت: ئیراقێ پێدڤی ب هێزێن بیانی نینه ژ بۆ شه‌ڕی به‌لكو ئه‌و بخوه دشێن شه‌ڕێ خوه بكه‌ن.</span></h3> <h3 style="text-align: justify;"><span style="font-size: 18pt;">پێشتر ژی ژه‌نه‌رال كینیث ماكینزی، فه‌رماندارێ هێزا ناڤه‌ندییا ئه‌مریكا ل رۆژهلاتا ناڤین دیاركربوو، هێزێن چه‌كدارێن ئیراقی فشاره‌كا مه‌زن ل هێزێن ئه‌مریكی دكه‌ن داكو خوه ڤه‌كێشن، لێ ڤه‌كێشانا ئه‌مریكا ب تنێ ب ده‌ستێ حكومه‌تا ئیراقێ یه ژ به‌ركو ل سه‌ر داخوازا وان ل ئیراقێ نه.</span></h3> <h3 style="text-align: justify;"><span style="font-size: 18pt;"> ویلایه‌تێن ئێكگرتی یێن ئه‌مریكا پێشتر ژی هێزێن خو ل ئیراقێ ژ 5200 چه‌كداران بۆ 3000 كێمكرینه.</span></h3>
