پشتى 18 ده‌مژمێرێن كۆمبوون و دانوستاندنا پەرلەمانتار و وەزیرێن حکومەتێ، کۆمبوونا پەرلەمانێ کوردستانێ بێ بریار و ئه‌نجام ب داوى هات و هه‌لوه‌شاندنا لێبرینا مووچه‌ى ب رێژا 21% نه‌كه‌ڤته به‌ر ده‌نگدانێ.
خالد شوانی، وه‌زیرێ هه‌رێمێ بۆ كاروبارێن دانوستاندنان دگه‌ل به‌غدا راگه‌هاند؛ مه حكومه‌ته‌ك وه‌رگرت 28 ملیار دۆلاران قه‌رداره وئه‌م دێ شه‌رى بۆ چاره‌كرنا گرێبه‌ستێن په‌ترۆلێ كه‌ین هه‌تا چاره‌سه‌ر نه‌بیت ره‌وش باش نابیت.
خالید شوانی گۆت، كابینه‌یا نه‌هێ گرێبه‌ستا په‌ترۆلێ نه‌كریه و نه‌گۆتیه %58ی سامانێ ڤى وه‌لاتى بده‌نه كومپانیان، نابیت ب كۆژمێ 800 ملیۆن دۆلاران په‌ترۆل هاتبیته فرۆتن، 480 ملیۆن دۆلار بۆ كۆمپانیان بن و بتنێ 320 ملیۆن دۆلار بۆ حكومه‌تێ بن.
