ئه‌فسه‌ره‌كى پارێ مووچێن فه‌رمانبه‌رێن رێڤه‌به‌رییا خوه‌ دزی

ئه‌فسه‌ره‌كێ وه‌زاره‌تا به‌رگرییا ئیراقێ پارێ مووچێ مه‌ها حوزه‌یرانێ یێ فه‌رمانبه‌رێن رێڤه‌به‌رییا خوه‌ دزی.

ژێده‌ره‌كێ ئه‌منى ل كه‌ركووكێ راگه‌هاند؛ ئه‌و ئه‌فسه‌ره‌ كۆ پلا وى عه‌قید بوو، سه‌ر ب رێڤه‌به‌رییا كاروبارێن به‌رگرییێ یا سه‌ر ب وه‌زاره‌تا به‌رگرییا ئیراقێ ڤه‌ بوو و ئه‌و پارێ وى برى زێده‌ترى 2 ملیار دینارایه‌ و ددوڤدا به‌ره‌ڤ توركیا ره‌ڤییه‌.

گۆت ژى: ئه‌و ئه‌فسه‌ره‌ ئاكنجییێ باژێرێ كه‌ركووكێ بوو به‌لێ ده‌واما وى ل كه‌ركووكێ نه‌بوو، پێشتر خێزانا خوه‌ ره‌وانه‌ى توركیا كربوو و پشتى مووچه‌ وه‌رگرتى به‌ره‌ڤ توركیا ره‌ڤییه‌.

تا نها وه‌زاره‌تا به‌رگرییێ چ رۆنكرن ده‌رباره‌ى وێ یه‌كێ نه‌داینه‌.