په‌كه‌كێ ل وان جهێن كو هه‌بوونا خوه هه‌ین، د گه‌ل هندێ ژى چ مافه‌ك ل وان جهان نینه مافێ په‌نابه‌ریێ نه‌بیت، ئه‌و وه‌كى داگیركار سه‌ره‌ده‌ریێ دگه‌ل خاك و خه‌لكى دكه‌ن.
سه‌رانێن په‌كه‌كێ و هه‌موو دونیا ژى دزانیت، كو بوونا په‌كه‌كێ بوویه په‌رده‌كا نه‌شرین بۆ داگیركرنا نه‌ره‌وا، تاكه رێك و چاره بۆ لادانا ئه‌وێ په‌ردێ ل سه‌ر ئه‌وێ نه‌ره‌واییێ، نه‌مانا په‌كه‌كێ یه ل وان جهان و دووماهیك ئینانه ب شه‌رخوازیێن گه‌لێ كوردستانێ.
قەرەسوو، چەند جاره‌كان به‌حسێ ویژدان و ئەخلاقى دكه‌ت، بێ كو بزانێت، كو ئێكه‌مین بنەمایێ ویژدانێ و ئەخلاقی یا لاهەر گرووپه‌كی سیاسی یان كۆمەڵایەتی، ڕاستگۆییە. ڕاستگۆیی لەگەڵ خەڵكی خوه و خەڵكێن دی ژى. سەرانێن پەكەكێ كو ب دەهان ساڵە بەناڤی كوردایەتیێ و خەباتا نەتەوەییا گەنجانێن كورد،و مه‌ره‌مێن خوه یێن ئایدیوله‌ژى.
ل دووماهیێ قه‌ره‌سوو و سه‌ره‌انێن په‌كه‌كێ دڤێت ژ وێ راستیێ تێبگه‌هن، كو حكومه‌تا هه‌رێما كوردستانێ بۆ بزاڤ و جهگوهورینا هێزێن پێشمه‌رگه‌یى و ئێمناهیێ، چ موله‌تان ژ چ كه‌س و لایه‌نان وه‌رناگریت، ئه‌وا كو سه‌ره‌انێن په‌كه‌كێ و چه‌كدارێن وان پێدڤییه رێزێ ل یاسایێن هه‌رێما كوردستانێ بگرن، ئه‌ڤه راستییه و وه‌كى رۆژێ یا روونه، كو شه‌رێ ئه‌وان دژى پێشمه‌رگه‌یى و هێزێن ئێمناهیێ و سازیێن شه‌رعىێن حكومه‌تا هه‌رێما كوردستانێ، هه‌بوونا وان ل مه‌تین و گاره و به‌روارى و باتیفا و جهێن دیێن كوردستانێ، په‌یوه‌ندى ب دیموكراتیزه‌كرنا ئه‌ڤه وه‌لاتى و ئه‌وى وه‌لاتى و رۆژهه‌لاتا ناڤین و برایه‌تیا گه‌لان ڤه نینه.
دڤێت سه‌ره‌انێن په‌كه‌كێ ئه‌وێ چه‌ندێ ژى باش بزانن، كو نه‌راستیێن وان ژ پرسیارێن هه‌رده‌م دناڤ دلێ چه‌كدارێن واندا و كه‌س و كارێن وان قورتال ناكه‌ت، ئه‌م بۆچى ئیناینه و بۆچى نوكه ل مه‌تینى شه‌رێ پێشمه‌رگه‌ی ب مه دكه‌ن؟
پشكا ڕۆژنامەڤانى یا دەزگه‌هێ ره‌وشه‌نبیری و راگەهاندنا پارتی دیموکراتی کوردستان
