ئه‌و خێزانێن ل كه‌مپا شاریا تووشى روودانا ئاگری بووین 600 دۆلاران وه‌رگرتن

ل دووڤ پەیاما مەسرور بارزانی سەرۆکێ حکومەتا هەرێما کوردستانێ، كو دووڤچوونا خێزانێن ئاوارە یێن کەمپا شاریا بهێته‌ كرن یێن كو تووشی روودانا ئاگری بووین.

ل کەمپا شاریا ب ئامادەبوونا “ماجد سەید سالح” “جێگرێ پارێزگارێ دهۆکێ و ” بارزان ئەکرەم ” سەرۆکێ نڤیسینگه‌ها رێکخراوێن نەحکومی یا سەر ب جڤاتا وەزیران ڤە ل هەرێما کوردستانێ و ستافێ دەزگه‌هێ خێرخوازیێ  بارزانی و دەڤەردارێ قەزا سێمێلێ و رێڤەبەرا بەرسڤدانا قەیرانان و رێڤەبەرێ کەمپا شاریا، ئەڤرۆ رێکەفتی ٢٠٢١/٧/١، چەندین هاریکاریێن ماددی و کەلوپەل گەهشتنە خێزانێن زیان ڤێ کەفتی.

د پەیڤەکێدا جێگرێ پارێزگاری بناڤێ بەرێز”د عەلی تەتەر “پارێزگارێ دهۆکێ سۆپاسی و دەستخوشی ل سەرۆك و ستافێ فەرمانگەها رێکخرواێن نەحکومی ل هەرێما کوردستانێ کر، کو راببوو ب هەوەکا کۆمکرنا پارە و کەلوپەلان و تێدا (٩)رێکخراو بەشدارب بوون و ئەڤرۆ (١٣٦) خێزانێن زیان ڤێ کەفتی مفاداربوون هەر خێزانەکێ (٦٠٠)دولاران د گەل چەند کەلوپەلێن نافمالێ وەرگرتن.