مه‌سرور بارزانی پێشوازییا رێكخستنا ساماریتان پێرس كر

سه‌رۆكێ حكومه‌تا هه‌رێما كوردستانێ پێشوازی ل شانده‌كێ رێكخستنا ساماریتان پێرس یا ئه‌مریكی كر.

مه‌سروور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ پێشوازی ل شانده‌كێ رێكخستنا خێرخوازی یا ساماریتان پێرس كر، د كۆمبوونێ دا شاندێ رێكخستنێ كورتییه‌كا چالاكی و پرۆژه‌یێن خێرخوازی یێن چه‌ندین سالێن بوری ل هه‌رێما كوردستانێ كرین دیاركرن و ئاماژه‌ كرن، رێكخستنا وان به‌رده‌وامه‌ و ب شانازیڤه‌ پرۆژه‌یان دێ ل هه‌رێما كوردستانێ كه‌ت و كوردستان بوویه‌ جهێ پێكڤه‌ژیانا ئاشتییانه‌ د ده‌ڤه‌رێ دا و په‌ناگه‌هه‌كا باشه‌ بۆ ئاواره‌ و په‌نابه‌ران.

سه‌رۆكێ حكومه‌تێ ژی سوپاسییا پشته‌ڤانی و هاریكاریێن رێكخستنێ كر كو د ده‌مه‌كێ ب زه‌حمه‌ت دا پرۆژه‌یێن خێرخوازیێ ل هه‌رێما كوردستانێ دكه‌ن و هیڤییا سه‌ركه‌فتنێ بۆ وان خواست.