سەرۆکێ هەرێما کوردستانێ ئه‌ڤرۆ رۆژا دووشه‌مبى پێشوازى ل ئیلبروس کوتراشیڤ بالیۆزێ نوو یێ روسیا ل ئیراقێ و شاندێ دگه‌ل دا کر.
نێچیرڤان بارزانى پیرۆزباهیا ده‌ستبكاربوونا ئیلبروس کوتراشیڤ كر و هه‌ردوو ئالیان دووپات ل گرنگیا پەیوەندیان و به‌رفره‌هكرنا بوارێن هاریکارى و هاڤبه‌شیا ئیراقێ و هەرێما کوردستانێ دگه‌ل روسیا کر.
بالیۆزێ روسیا مه‌نده‌هوشیا خوه بۆ پرۆسه‌یا ئاڤه‌دانكرن و بنیات و پێشكه‌فتنا هەرێما کوردستانێ دیاركر و گۆت: وەزارەتا ده‌رڤه‌یا روسیا گرنگیێ ب پرسێن کوردا دده‌ت و دڤێ كۆمبوونێ دا ره‌وشا ئیراقێ ب گشتى و کۆرۆنایێ و ڤاكسینێ دژى كۆرۆنایێ و ره‌وشا سوریایێ گۆتۆبێژكرن و هه‌ردوو ئالى هه‌ڤرابوون كو ره‌وشا سوریا و کێشێن وه‌لاتى دڤێت ب رێكا سیاسی چارەسەربكه‌ن.
