پترى 7 ملیار دیناران بۆ چه‌ندین پرۆژێن خزمه‌تگۆزارى ل دهۆكێ هاتنه‌ ته‌رخانكرن

پارێزگارێ دهۆکێ ب کۆژمێ7 ملیار و 202 ملیۆن و 597 هزار دینار بۆ پرۆژێن خزمەتگۆزاری بۆ بجهئینانێ هنارتن

ئەڤرۆ دووشەمبی، ٢٠٢١/٧/٥ “د.عەلی تەتەر”پارێزگارێ دهۆکێ ب کۆژمێ “٧،٢٠٢،٥٩٧،٠٠٠ حەفت ملیار و دووسەودوو ملیۆن و پێنچ سەد و نوت و حەفت هزار دیناران” پرۆژێن خزمەتگۆزاری رەوانەیی بجهئینانێ کرن هەروەسا رادگەهینین هژمارەکا دی یا پرۆژان دقۆناغێن راگەهاندن و ب تەندەکرن و رەوانەیی جێبەجێکرنێدانە کو کارگێریا پارێزگەهێ کار لسەر دکەت و دێ کەڤنە دخزمەتا هاولاتیێن هەمی دەڤەرداریێن پارێزگەها دهۆکێ دا و ئەو پرۆژێن ئەڤرۆ هاتینە رەوانەکرن ئەڤێن ل خۆارێ نە:

– سەخبێریکرنا رێکا گۆندێن “بانەسور،شاوریکێ،بروحەجەرا،ناڤدارا، ئەلندکێ، چرانی، گەلناسکێ” ل سنۆرێ ناوچەدارییا مانگێشکێ.

– سەخبێریکرنا گۆندێ شیفکێ ل ناوچەداریا قەسروکێ.

– چێکرنا رێکێن گۆندێن”کەلەکچی،زیناڤا کەڤن، تل جومل” ل ناوچەداریا کەلەکچی.

– سەخبێریکرنا رێکا گۆندێ ئاشکا ل ناوچەداریا قەسرۆکێ.

– ڤەکرن و چێکرن و کونکریتکرنا کۆمەکا جادان ل تاخێن جۆدا ل سنۆرێ باژێرڤانییا رۆژئاڤا ل سەنتەرێ باژێرێ دهۆکێ.

– ڤەکرن و چێکرن و کونکریتکرنا کۆمەکا جادان ل تاخێن جۆدا ل سنۆرێ باژێرڤانیا رۆژهەلات ل سەنتەرێ باژێرێ دهۆکێ.

– چێکرنا رێکا “باکرمان، پیلمەندی، کشکاو” و هەشت گۆندێن درێکێدا ب درێژاهیا ١١.٥ کیلۆمەترا ل سنۆرێ دەڤەرداریا ئاکرێ.