وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند كو ل ڤان نێزیكان شانده‌كێ وه‌زاره‌تێ بۆ گۆتوبێژكرنێ د گه‌ل وه‌زاره‌تا حكومه‌تا عێراقێ و بۆ جێبه‌جێكرنا ئه‌وان لیكتێگه‌هشتنان دناڤبه‌را واندا ئیمزا بكه‌ن، دێ چنه به‌غدا.
بێگه‌ر تاله‌بانى، وه‌زیرا چاندنێ و ژێده‌رێن ئاڤێ یا حكومه‌تا هه‌رێما كوردستانێ راگه‌هاند: ئه‌م وه‌كو حكومه‌تا هه‌رێمێ د پابه‌ندین ژ وان لێكتێگه‌هشتنا دناڤبه‌را حكومه‌تا ئێراقێ و وه‌زاره‌تا چاندنێ دا هه‌ى بۆ ڤه‌گۆهاستنا ئه‌وان به‌رهه‌مێن ناڤخوه‌یى بۆ باژێرێن ناڤه‌راست و باشورێ ئێراقێ و ئه‌ڤێ ژى كاریگه‌رییه‌كا باش ل سه‌ر ساخكرنا به‌رهه‌مێن جوتیاران دێ هه‌بیت.
گۆتى ژى: هنده‌ك جاران ژلایه‌نێ حكومه‌تا ئێراقێ ڤه ئاریشه دروست دبن بۆ جێبه‌جێكرنا ئه‌وان لێكتێگه‌هشتنان و وه‌كو خوه دهێنه دروست كرن، ژبه‌ر هندێ دێ چینه به‌غدا و ده‌رباره‌ى هنده‌ك پرسێن دى ژى گۆتوبێژان كه‌ین.
