پەرلەمانتاره‌كێ پارتى: بهایێ بانزینێ دێ داكه‌ڤیت

پەرلەمانتاره‌كێ فراکسیۆنا پارتى ل پەرلەمانێ کوردستانێ راگه‌هاند، دچه‌ند رۆژێن بهێت دا بهایێ پانزینێ ل هه‌رێما كوردستانێ دێ داكه‌ڤیت.

د. رێبوار بابکەیی پەرلەمانتارێ فراکسیۆنا پارتى ل پەرلەمانێ کوردستانێ راگه‌هاند، ل ده‌مێ بوورى دووڤچوونه‌كا باش ل دۆر بهایێ پانزینێ ل هه‌رێمێ هاته‌ كرن  و دگه‌ل وەزیرێ سامانێن سروشتی چەندین پێشنیار بۆ داكه‌فتنا بهایێ پانزینێ هاتنه‌ دان و ب ئه‌گه‌رێ كێمكرنا باجێ کۆمپانی نه‌چار بوون  د چه‌ند رۆژێن بهێت بهایێ بانزینێ و كۆالێتیا بانزینێ باشتر بیت.

د. رێبوار بابکەیی گۆت،  ئەو بانزینا ژ ده‌رڤه‌ فرێدكه‌نه‌ هه‌رێما كوردستان پێدڤییه‌ كۆالێتى یا بلند بیت و ل دووڤ ستانده‌را بیت،  رێك ب فرێكرنا بانزینا كۆالێتى نزم ناهێته‌ دان و دێ هێته‌ پشكنین كرن.