ب خه‌م و كۆڤانه‌كا مه‌زن ڤه خه‌به‌رێ مالئاڤاهیا رۆژنامه‌ڤان و ره‌وشه‌نبیر ئیسماعیل تاهر جانگیر سكرتێرێ به‌رێ یێ لقێ دهۆك یێ سه‌ندیكا رۆژنامه‌نڤیسێن كوردستانێ گه‌هشته مه.
ئیسماعیل تاهر جانگیر ل سالا 1969 ل باژێرێ دهۆكێ هاتییه سه‌ر دونیایێ، ل سالا 1998 بوویه ئه‌ندامێ سه‌ندیكا رۆژنامه‌نڤیسێن كوردستانێ و ده‌ستپێكا ژیانا خوه یا رۆژنامه‌ڤانى ل سالا 1993 وه‌ك نڤیسه‌رێ ده‌نگ وباسان ل رادیۆیا دهۆکێ كار كرییه و پاشى ل چه‌ندین ده‌زگه‌هێن میدیایى وه‌ك تەله‌ڤزیۆن و رۆژنامێن كوردستانى و عه‌ره‌بى وه‌كو نڤیسه‌ر و په‌یامنێر و پێشكێشكار كار كرییه، زێده‌بارى چه‌ندین به‌رهه‌مێن نڤێسینێ ژ په‌رتووك و گۆتاران ب زمانێن كوردى و عه‌ره‌بى د وارێ ره‌وشه‌نبیرى و رۆژنامه‌ڤانى دا به‌لاڤ كرینه، ژبه‌ر رۆلێ وى یێ به‌رچاڤ د وارێ رۆژنامه‌گه‌ریێ دا دهێته هه‌لبژارتن وه‌كو سكرتێرێ لقێ دهۆك یێ سه‌ندیكا رۆژنامه‌نڤیسێن كوردستانێ ل سالا 2008 هه‌تا 2012، ل سالا 2007 خه‌لاتێ حافز قازى یێ میدیایى بده‌ستڤه ئینایە، دیسان ل سالا 2015 خه‌لاتێ زێرى یێ سه‌ندیكا رۆژنامه‌نڤیسێن كوردستانێ ژ به‌ر رۆلێ وى یێ كاریگه‌ر د ڤى وارى دا وه‌ردگریت.
ب هه‌لكه‌فتا وه‌غه‌ركرنا رۆژنامه‌ڤان و ره‌وشه‌نبیر ئیسماعیل تاهر جانگیر ب ناڤێ سه‌ندیكا رۆژنامه‌نڤیسێن كوردستانێ سه‌ره‌خوشیێن خوه ئاراسته‌ى خوه و هه‌موو رۆژنامه‌ڤان و كه‌س وكارێن خودێ ژێ رازى د كه‌ین، مالئاڤاهیا كاك ئیسماعیلى ڤالاهییه‌كا مه‌زن ئێخسته وارێ راگه‌هاندن و ره‌وشه‌نبیریا كوردستانێ دا و ب تایبه‌تی ژی ل پارێزگه‌ها دهۆكێ.
انا لله وانا الیه راجعون ئازاد حه‌مه‌د ئه‌مین
نه‌قیبێ سه‌ندیكا رۆژنامه‌نڤیسێن كوردستانێ
13/7/2021
