ماجد سه‌ید صالح جێگرێ پارێزگارێ دهۆكێ بۆ كاروبارێن ته‌كنیكى ئه‌ڤرۆ سپێدێ سه‌رپه‌رشتیا كۆمبوونه‌كا تایبه‌ت دگه‌ل رێڤه‌به‌رێ گشتیێ په‌روه‌ردێ ل پارێزگه‌هێ و رێڤه‌به‌ر ونوونه‌رێن چه‌ند فه‌رمانگه‌هێن په‌یوه‌ندیدار كر.
جێگرێ پارێزگارێ دهۆكێ بۆ كاروبارێن ته‌كنیكى دیاركر، ل رۆژێن بهێت ئه‌زمونێن قوناغا دوازدێ ئاماده‌یى دێ هێنه ئه‌نجامدان و ل دووڤ رێنمایێن وه‌زاره‌تا ناڤخوه‌ى یا حكومه‌تا هه‌رێما كوردستانێ دڤێت هه‌موو لایه‌ن گرنگیێ ب بابه‌تى بده‌ن و ده‌زگه‌هێن ئێمناهیێ دئاماده‌باشیێ دابن وهه‌ڤكاربن دگه‌ل په‌روه‌ردێ دا ئه‌زمون ب سه‌ركه‌فتیانه بهێنه ئه‌نجامدان.عمر على ته‌ها رێڤه‌به‌رێ گشتى یێ په‌روه‌ردێ خواست دگه‌ل تیمێن په‌روه‌ردێ دهه‌ڤكاربن دا پرۆسه بێ ئاریشه بهێته ئه‌نجامدان.رێڤه‌به‌ریا گشتى یا په‌روه‌ردێ 696 بنگه‌هـ ل سه‌ر ئاستێ 10 په‌روه‌ردا ل سنوورێ پارێزگه‌هێ به‌رهه‌ڤكرینه بۆ ئه‌نجامدانا ئه‌زمونان كو دهێته چاڤه‌رێكرن 38 هزار و 123 قوتابى ل قوناغا دوازدێ ئاماده‌یى ل رۆژا 27 مه‌ها 7 سالا 2021 ئه‌زمونان ئه‌نجامده‌ن ودڤێت هه‌موو قوتابى رێنمایێن خوه پارێزیێ ژ ڤایروسێ كورونایێ بجهبینن و ماسكان ب كاربینن.
