ژ به‌ر بلندبوونا پله‌یێن گه‌رمێ 60 روودانێن ئاگربه‌ربوونێ ل 10 ویلایه‌تێن ئه‌مریكا دروست بووینه.
ئاژانسا ئه‌سوشه‌یتید پرێس راگه‌هاندییه؛ ژ به‌ر بلندبوونا پله‌یێن گه‌رمێ ل ئه‌مریكا، 60 روودانێن ئاگربه‌ربوونێ ل 10 ویلایه‌تان رووداینه و ژبه‌ر وێ یه‌كێ ژی ب هزاران وه‌لاتی ژ مالێن خوه ده‌ركه‌فتینه و زیان گه‌هشتییه هژماره‌كا مال و ئاڤاهییان.
سه‌نته‌رێ ئاگرڤه‌مراندنا هه‌ڤپشك ژی راگه‌هاندییه؛ ئه‌و 60 روودانێن ئاگربه‌ربوونێ تا كو دوهی د به‌رده‌وامبوون و مه‌زنترین ئێك ژی ل ویلایه‌تا ئوریغون بوو كو زیانه‌كا مه‌زن گه‌هاندییه كاره‌بێ ل وێ ناڤچه‌یێ.
دیار ژ كرینه، بلندبوونا پله‌یێن گه‌رمێ بوویه ئه‌گه‌رێ په‌یدابوونا هشكبوونه‌كا دژوار.
