وه‌زیرێ ئاڤه‌دانكرنا حكومه‌تا هه‌رێما كوردستانێ و كۆمپانییه‌كا ئه‌لمانى گۆتوبێژ ده‌رباره‌ی هێلا شه‌مه‌نده‌فه‌را هه‌رێما كوردستانێ كرن.
ل دووڤ راگه‌هاندنا وه‌زاره‌تا ئاڤه‌دانكرنێ، دانا عه‌بدولكه‌ریم، وه‌زیرێ ئاڤه‌دانكرنێ و شاندێ دگه‌لدا ل باره‌گایێ سه‌ره‌كیێ كۆمپانیێ (deutsche bahn)یا ئەڵمانی، پشكدارى د سمیناره‌كا تایبه‌ت دا كرییه، كو تێدا گۆتوبێژ ده‌رباره‌ی پرۆژێ هێلا شه‌مه‌نده‌فه‌را هه‌رێما كوردستانێ هاته كرن.
د سمینارێدا، كۆمپانییا ئه‌لمانى شیان و شێوازێ كارى و پرۆژه‌یى نیشاندا و پاشى د گه‌شته‌كا مه‌یدانى دا، شاندى ئێك ژ پرۆژه‌یێن كۆمپانیا وان سه‌رگرتییه، كو نوكه ل به‌رلینا پایته‌ختێ ئه‌لمانیا دهێته ئه‌نجام دان.
هه‌روه‌كو د راگه‌هاندنێ دا هاتى، كو به‌رپرسێن ئه‌وێ كۆمپانیێ تیشك خستییه سه‌ر ئاسته‌نگێن دكه‌ڤنه دناڤ پرۆژه‌ى دا و شێوازێ چاره‌سه‌كرنا وێ، بۆ هندێ داكو ب باشترین شێواز پرۆژه بهێته جێبه‌جێكرن.
