سەرۆكێ حکومەتا هەرێما كوردستانێ مەسرور بارزانی، ئەڤڕۆ شەمبى17ـی تیرمه‌ها 2021 پێشوازی ل كاردینال لویس ساكۆ ، پاتریاركێ كەنیسەیا كلدانی ل عێراقێ و جیهانێ وشاندێ دگه‌لدا كر
د دیداره‌کێدا، پاتریاركێ كەنیسەیا كلدانی ل عێراقێ و جیهانێ، په‌سنا ئەزموونا پێكڤه‌ژیانا ئاشتیانه یا دناڤبه‌را پێكهاتێن جودا ل هه‌رێما كوردستانێ كر، كو نموونه‌كا گه‌شێ لێبورینێ و پاراستنا ماف و پێكهاته‌ییان د ده‌ڤه‌رێدا.
سەرۆکێ حکومەتێ، جەخت ل گرنگییا كولتورێ پێكڤه ژیانێ دناڤبه‌را پێكهاتەیێن ئایینی و نەتەوەیی ل هەرێما كوردستانێ و عێراقێ کر،و داخواز كر، كریستیانێن ژ دەرڤه بڤه‌گەڕنەڤه جهێن خوه ل کوردستانێ، خزمەتێ بکەن و پشت راستى دا کو حکومەتا هەرێما کوردستانێ، هەموو ئاسانکارییەکێن پێدڤى بۆ ڤه‌گه‌ریانێ دكه‌ت و دێ مافێن وان پارێزیت.
