حكومه‌تا هه‌رێمێ دێ لژنه‌كا دى بۆ جینۆساندنا تاوانێن داعشێ دروست كه‌ت

په‌یڤدارێ حكومه‌تا هه‌رێما كوردستانێ راگه‌هاند كو لژنا بلندا ناساندنا تاوانێن داعشێ بریار دایه‌ ب دروستكرنا لیژنه‌یه‌كا دى هه‌تا ل سه‌ر ئاستێ بلند تاوانان دیاربكه‌ت، هه‌روه‌سا پێنگاڤێن بله‌ز ب هاڤێژیت بۆ دروستكرنا دادگه‌هه‌كێ بۆ دادگه‌هكرنا سه‌رانێن داعشێ.

دیوانا وەزارەتا ناڤخوه‌، لژنا بلندا ناساندنا تاوانێن داعشێ كۆمبوونه‌ و پشتى كۆمبوونێ، د. جووتیار عادل، په‌یڤدارێ حکومەتا هەرێما كوردستانێ، ئه‌ڤرۆ 26-7-2021ێ د پرێسكونفرانسه‌كى دا راگه‌هاند: مه‌ بڕیارا دامەزراندنا دادگه‌هه‌كێ دایه‌ بۆ دادگه‌هکرنا سەرانێن داعشێ و کۆمەڵگەها نێڤدەوڵەتى دێ هاریكارییا مه‌كه‌ت،ئارمانج ژى ڤه‌گه‌راندنا مافێن وانه‌ كو تیرۆرستێن داعشێ تاوان به‌رامبه‌رى ئه‌نجام داینه‌.

به‌حسێ هندێ ژى كرییه‌، كو گه‌له‌ك به‌لگه‌ ل به‌ر ده‌ستن و به‌رده‌وامییا كۆمڤه‌كرنا به‌لگه‌یێن پێدڤى بۆ دادگه‌هێ.