رێڤه‌به‌رێ گشتی یێ راگه‌هاندن و هشیارییێ ل وه‌زارتا پێشمه‌رگه‌ی راگه‌هاند؛ هێزێن هه‌ڤپه‌یمانان ئه‌ڤرۆ پشكه‌كا دی یا هاریكاریین سه‌ربازی گه‌هاندن وه‌زاره‌تا پێشمه‌رگه.
عه‌مید عوسمان محه‌مه‌د، د داخویانییه‌كێ دا راگه‌هاند؛ د چارچۆڤێ پرچه‌ككرنا هێزێن پێشمه‌رگه دا، هێزێن هه‌ڤپه‌یمانان ئه‌ڤرۆ پشكه‌كا دی یا هاریكاریێن سه‌ربازی بۆ هێزێن پێشمه‌رگه‌ی هنارتن و بڕیاره د چارچۆڤێ به‌رنامێ وه‌زاره‌تا پێشمه‌رگه دا ئه‌و هاریكاری ب سه‌ر لیوایێن پیاده یێن پێشمه‌رگه دا بهێن بارڤه‌كرن.
سه‌نته‌رێ میدیای یێ وه‌زاره‌تا پێشمه‌رگه یێ هه‌رێما كوردستانێ ژی ل دۆر وان هاریكارییان راگه‌هاند؛ ب درێژاهییا ئه‌و هاریكاریێن پێشكێشی وه‌زاره‌تا پێشمه‌رگه دكه‌ن تا نها پشكه‌ك ب فه‌رمی و ب ئاماده‌بوونا ئه‌فسه‌رێن بلندێن وه‌زاره‌تا پێشمه‌رگه گه‌هشتییه وان و هه‌ڤپه‌یمانان ئیمزایا پێدان و وه‌رگرتنا وان هاریكارییان كرییه ژ بۆ رووبرووبوونا داعش و گرۆپێن تیرۆری.
ل گۆر زانیاریێن وه‌زاره‌تا پێشمه‌رگه، ئه‌و هاریكاری ژی پێكهاتینه ژ 50 هه‌مه‌رێن سه‌ربازی، 3 تانكیێن ئاڤێ و 25 بارهه‌لگر، په‌یڤدارێ هێزێن هه‌ڤپه‌یمانان ژی د راگه‌هاندینه؛ وان 70 هه‌مه‌ر و ترمبێلێن سه‌ربازی پێشكێشكرینه.
