گه‌میه‌كا كوچبه‌رێن كورد چه‌ند رۆژه‌ به‌رزه‌بوویه‌

بۆ ده‌مێ چه‌ند رۆژانه‌ گه‌میه‌ك ب 43 كوچبه‌رێن كورد ڤه‌ دناڤبه‌را یونان و ئیتالیا به‌رزه‌بوویه‌ و هێزێن ده‌ریایى ره‌ت دكه‌ن ئه‌و كوچبه‌ر هاتبنه‌ ده‌سته‌سه‌ركرن

به‌ریا چه‌ند رۆژان، گه‌میه‌ك ب 43 كوچبه‌رێن كورد ڤه‌ ژ یونان به‌ره‌ف ئیتالیا برێكه‌فتییه‌ و به‌رى بگه‌هنه ئیتالیا ئه‌وان په‌یوه‌ندى ب هێزێن ده‌ریایى یێن یونانێ كرییه‌ كو ئاریشه‌ك د گه‌میا وان دا هه‌یه‌ و داخاز كریه‌ بهێنه‌ رزگاركرن.

تا نها ده‌سته‌سه‌ركرنا ڤان كوچبه‌رێن كورد ل بنگه‌هێن پۆلیسان نه‌هاتیه‌ تۆماركرن، دهێته‌ پێشبینیكرن ئه‌ڤ 43 كه‌سه‌ ب نهێنى هاتبنه‌ دیپورتكرن بۆ وه‌لاتێ توركیا.

ل گوره‌ى ئامارێن رێكخراوا كوچا ناڤده‌وله‌تى، ب تنێ ل 6 مه‌هێن سالا 2020ێ 280 میلۆن كه‌سان ژ وه‌لاتێن خوه‌ كوچ كرییه‌.