سەرۆك کۆمارێ فرەنسا دێ پشكداریێ دکۆنگرەیێ گوپیتكا بەغدا كه‌ت.
نڤێسینگه‌ها راگه‌هاندنا مستەفا کازمی راگه‌هاند؛ ئیمانوێل ماکرۆن، سەرۆك کۆمارێ فرەنسا ب تلەفۆنه‌كێ پەیوەندی ب کازمى سه‌رۆك وه‌زیرێ ئیراقێ كر، دڤێ په‌یوه‌ندیێ دا ماکرۆن و مستەفا کازمی پەیوەندیێن بەغدا- پاریس و پێشهاتێن رۆژهەلاتا ناڤه‌راست و جیهانێ گۆتۆبێژكرن.
ماکرۆن و کازمی د په‌یوه‌ندیێ دا ل دۆر گۆپیتكا به‌غدا ئاخفتن و ئیمانوێل ماکرۆن گۆت؛ دێ پشكداریێ د گۆپیتكا به‌غدا كه‌م .
بریاره ل داویا ڤێ مه‌هێ ل بەغدا كۆنگره‌یێ گوپیتكێ ب ئامادەبوونا سەرۆك کۆمارێ میسر، نوونه‌رێ سەرۆکێ ئیمارات، میری قەتەر و چەند سەرۆک و سەرۆک وەزیرانێن ئەوروپا و ئەمریکا و ب هاریكاریا فرەنسا بهێته كرن.
