وه‌زاره‌تا پێشمه‌رگه‌ی: هه‌موو هێزێن ئه‌مریكی ژ ئیراقێ ناهێنه‌ ڤه‌كێشان

وه‌زاره‌تا پێشمه‌رگه‌ی راگه‌هاند، ب تنێ هێزێن ئه‌مریكی دێ خوه‌ ژ ئیراقێ ڤه‌كێشن، راهێنه‌ر و شیره‌تكار دێ مینن.

فه‌ریق جه‌بار یاوه‌ر، ئه‌میندارێ گشتی یێ وه‌زاره‌تا پێشمه‌رگه‌ی راگه‌هاند؛ پتریا هێزێن ئه‌مریكا ل ئیراقێ شیره‌تكار و راهێنه‌رن و پشكه‌كا وان بنگه‌هـ و باره‌گه‌هێن خوه‌ دپارێزن و هنده‌ك ژی گرێدای هێزێن ئاسمانی بوون كو به‌رده‌وام ل ده‌مێ ئۆپه‌راسیۆنێن ئاسمانی یێن سوپایێ ئیراق و پێشمه‌رگه‌ی د ئاماده‌باشیێ دابوون.

جه‌بار یاوه‌ر دیار ژی كر، پتریا هێزێن ل سه‌ر ئه‌ردی شه‌ڕی دكه‌ن یێن سوپایێ ئیراقێ و پێشمه‌رگه‌ی نه‌ و ئه‌و د وێ باوه‌ریێ دایه‌ پشته‌ڤانییا ئاسمانی یا هێزێن ئه‌مریكا و هه‌ڤپه‌یمانان هه‌ر دێ مینیت ژ به‌ر كو د رێككه‌فتنا پێنچ خالی یا دناڤبه‌را ئیراق و ئه‌مریكا دا نه‌هاتییه‌ كو ئه‌مریكا هه‌موو هێزێ، خوه‌ ژ ئیراقێ ڤه‌كێشیت.