لقێ ١٨ بهەلكەفتا سالیادا دامه‌زراندنا “پارتی دیموكراتی كوردستان” و روژبوونا سه‌رۆك “بارزانی” پەیامەک بەلاڤكر

لقێ ١٨ بهەلكەفتا سالیادا دامه‌زراندنا “پارتی دیموكراتی كوردستان” و رۆژبوونا سه‌رۆك “بارزانی” پەیامەکی بەلاڤ دکەت ئەڤە ژی دەقێ وێ یە:
ب هەلكەفتا (٧٥) سالیادا دامەزراندنا پارتیا مە “پارتی دیموكراتی كوردستان” و رۆژبوونا سه‌رۆك “بارزانی”، ب ناڤێ لقێ ١٨ و جەماەوەرێ‌ دەڤەرا ئامێدیێ، جوانترین پیروزباهیان ئاراستەی جەنابێ سەروك “مسعود بارزانی” و سەركردایەتی و تەڤایا كادر ولایەنگر و جەماوەێ پارتی و خەلكێ‌ كوردستانێ‌ ب گشتی دكەین.
بەری(٧٥) سالان و د ناڤا كاودانێن ناڤخویی و دەرڤە یێن دژوار دا، پارتی دیموكراتی كوردستان وەكو پێدڤیەكا دیرۆكی ب رێبەری و سەرۆكاتییا “بارزانیێ‌ نەمر” هاتە دامەزراندن پێخەمەت سەركێشیكرنا بزاڤا ئازادیخوازا گەلێ‌ كوردستانێ،‌ كو ل وی سەردەمی كوردستان پێدڤی پارتەك و هێزەكا سەردەم و رێكخستی بوو ژبۆ بەرسینگگرتنا زولم و زورداری و سیاسەتا چەوساندنا نەتەویی و جڤاكی و ئابوری و سیاسی بوو ئەوا ژ لایێ دەستهەلاتدارێن عیراقێ ڤە ل كوردستانێ‌ دهاتە پەێرەوكرن، لەوما پارتی هەر زوی كەفتە دناڤ خەباتەكا دیرو درێژدا و پێنگافا ئێكێ‌ خورتكرنا هەستا نەتەوی و نیشتیمانپەروەری بوو دناڤا جڤاكیدا وەک شەنگەستێ‌ بهێزێ‌ بۆ بەرخۆدان و خۆراگریێ، پارتی شیا هەمی خەلكێ‌ كوردستانێ‌ بێ‌ جوداهیا ئولی و نەتەوەیی د چارچوڤێ‌ ئێك هزر و ئێك ئارمانج دا كوم بكەت و بەرهنگاریا هەمی پیلان و پلانێن داگیركەر و نەحەزا بكەت.
ب شانازییەكا مەزنڤە سەرەرای ئەڤرازی و نشیڤیێن مەزن د كاروانێ‌ دیروكیا خو یا كێم وێنەدا و دڤی ژیێ‌ خو یێ‌ پری خەبات و بەرخۆدان و قەهرەمانیدا، پارتی شیا بو خەلكێ‌ كوردستانێ‌ و هەمی جیهانێ‌ بسەلمینیت چ رۆژەكێ‌ ژ قوربانیدانێ‌ سل نەبوویە و دڤێ‌ رێدا ب هزاران ژ سەركردە و كادر و ئەندامێن وێ‌ بووینە قوربانیێن دۆزا رەوایا كوردستانێ‌.
پارتی هەر دەم ل رێزا پێشیا خەباتا گەل و وەلاتێ‌ خو بوویە و دڤی ژیێ‌ خو یێ‌ پر سەرەوەریدا شیایە كومەكا مەزنا دەستكەفتان بۆ گەلێ‌ خۆ دەستەبەر بكەت و ژبەر ڤێ‌ چەندێ‌ ژی پارتی بوویە خاندنگەهەكا مەزنا شورەشگێری و سیاسی و هەر دەم یا ناسیار بوویە ب هەلویستێن خو یێن نشتیمانی و سیاسی یێن نەگۆر و دەستكەفتێن ئەڤرو هاتینە دەست ڤەرێژا خەباتا پارتی و سەركێشێ‌ وێ‌ یێ‌ نەمر (بارزانی)یە.
وەک دیار پارتی سەرکێشێ راستەقینەیە و ل چ قوناغان نە راوەستایە و هەردەم خەباتێ بوە دەستکەفتێ مەزنتر دکەت ژ ئوتونومی بو فیدرالیەت بو ریفراندوما سەربخویێ.. و ئەڤرو وەک وەفاداری بو خوینا شەهیدان و بەرسڤەکا جەرگ بر بو هەمی نەحەز و دوژمنان ل ناڤ و دەرڤەی کوردستانێ ب هەمی رەنگان بەردەوامە لسەر خەباتێ.
“پارتی دیموکراتی کوردستان” حزبا دوهی و ئەڤرو سوبەهی یە، ئەو حزبە یا هەردەم دنیبوونێ دا لەوما شیایە و دشێت دگەل هەمی رەوشا خو بگونجینیت و ژبو بەرژەوەندا گەل و وەلاتی سەرەدەریێ بکەت.
ئەڤ سالیادە یا هەڤدەمە دگەل هەوا بانگەشەیا هەلبژارتنێن پێشوەختێن عیراقێ کو وەک دیار نە تنێ دێ پارێزیێ ل هەژمارا کورسیان و سەنگا خو کەت ل بەغدا، بەلکو دێ زێدە کەتن ژ ئەگەرێ باوەریا خەلکێ کوردستانێ ب خەبات وسیاسەتا پارتی لژێر سەرکردایەتا جەنابێ سەروک بارزانی کو تاکە هیڤیا گەلێ مەیە ب روژەکا گەشتر.
دووبارە پیروزە یوبیلا ئەلماسی یا دامەزراندنا پارتی.. سلاڤ ل گیانێ‌ پیروزێ‌ تەڤ شەهیدێن رێكا ئازادیا كوردستانێ‌ و سەركاروانێ‌ وان (بارزانیێ‌ نەمرو ئیدریسێ‌ هەردەم ساخ)… سلاڤێن ل مالباتێن سەربلندێن شەهیدان… ل پێشمەرگەیێن قەهرەمان و هەمی تەخ وچینێن کوردستانێ.
…و هەردەم ئازاد و سەرفەراز و بەختەوەربیت گەلێ مەیێ خوراگر…

عومه‌ر ئوره‌یى
بەرپرسێ لقێ ١٨(پ.د.ک)
١٥/٨/٢٠٢١