د گه‌ل نزیكبوونا هه‌لبژارتنێن پێشوه‌خت یێن ئیراقی، شه‌ڕه‌ده‌ڤ دناڤبه‌را سه‌ركردێن حه‌شدا شه‌عبی گه‌رم دبیت و ئێكودو ب خیانه‌تكار و خۆفرۆش تۆمه‌تبار دكه‌ن.
حه‌مید یاسری، فه‌رماندێ هێزێن ئه‌نسار مه‌رجه‌عیه ل نه‌جه‌ف د داوی داخویانییا خوه دا ره‌خنێن توند ل وان هێزێن حه‌شدا شه‌عبی گرتن یێن كو ب گۆتنا وی، فه‌رمانان ژ ده‌رڤه و گرێدای ئه‌جێندایێن ده‌ره‌كی وه‌ردگرن و ده‌ستێن وان ب خوینا خوه‌نیشانده‌ران د سۆرن، گۆتنێن یاسری ژی كارڤه‌دانێن گروپێن حه‌شدێ ل دووڤ خوه ئینان و هێزێن نزیكی ئیرانێ ژی دبێژن: ئه‌و گۆتن نه‌یێن مه‌رجه‌عی نه.
هه‌روه‌سا دكتۆر عه‌مار بهادی، ئه‌ندامێ ده‌سته‌یا نوجه‌با راگه‌هاند؛ چ داخویانی ژ نڤیسینگه‌ها سیستانی نه‌هاتینه ده‌ركرن و هه‌موو بێده‌نگی ژی نه رامانا رازیبوونێ نه و مه‌رجه‌عیه‌تێ نه‌ڤێت خوه بكه‌ته د ناڤا كارێن تاوانباركرنێ دا.
دكتۆر عه‌بدولره‌حمان جه‌میل، ئه‌ندامێ ئه‌نسارا حه‌شدا مه‌رجه‌عیه‌تێ ل به‌غدا ئاماژه كرییه، تو وه‌ك هه‌ڤال و برا جهێ ته یێ بلنده ل وه‌لاتی، لێ نابیت كۆنترۆلا چاره‌نڤیسێ مه بكه‌ی، هه‌رچاوا بیت دێ د ئێكگرتی بین و گروپێن حه‌شدێ ل ژێر كۆنترۆلا هێزێن ئیراقێ نه، له‌ورا پێدڤییه د گه‌ل پێشمه‌رگه، حه‌شد و هێزێن ئیراقی ئیكود بگرین.
