<h3 style="text-align: justify;">ئاژانسا خانی، ره‌وان نهێلی:</h3> <h3 style="text-align: justify;">زیاد جه‌بار سه‌رۆكێ لژنا دارایی ل په‌رله‌مانێ كوردستانێ بۆ ئاژانسا خانی دیاركر: ل دووڤ قانوونا ژماره 2 یا سالا 2020 كو ب قانوونا چاكسازیێ به‌رنیاسه، سیسته‌مه‌كێ نوو یێ خانه‌نشینیێ هاتيه دانان، یا جودایه ل گه‌ل سیسته‌مێ به‌رێ كو پلێن بلند پێ دهاتنه خانه‌نشینكرن، یێن به‌رێ ده‌مێ خانه‌نشین دبوون ب 80% ژ مووچێ وان دهاتنه خانه‌نشینكرن، به‌لێ ل دووڤ ڤێ قانوونێ ژ 15% ل دووڤ سالێن وان یێن خزمه‌تێ ده‌ست پێدكه‌ت و چه‌ند سالێن خزمه‌تێ هه‌بن، نابیت 50% زێده‌تر بیت، ئانكو خزمه‌تا وان چه‌ند یا زێده‌تر بیت و خوه بگه‌هته 70 یان 80% ێ ژی، هه‌ر دێ ل سه‌ر 50% هێنه خانه‌نشینكرن و كه‌سێن ته‌مه‌نێ وان نه‌گه‌هشتیه خانه‌نشینیێ نابیت ژ 25% زێده‌تر بهێنه خانه‌نشینكرن.</h3> <h3 style="text-align: justify;">زیاد جه‌بار ئاماژه ب وێ یه‌كێ كر پلێن بلند یێن هه‌ر په‌رله‌مانتارێن چوار خۆلێن چوویی یێن په‌رله‌مانی دێ به‌ر ب ڤێ بریارێ كه‌ڤن و حوكمه‌تێ ده‌ست ب بجهئینانا قانوونا چاكسازیێ كریه و گۆت: ئه‌ڤ قانوونه دێ ژ هه‌می پلێن بلند ڤه‌گریت ژ سه‌رۆكێ هه‌رێمێ و سه‌رۆكێ حوكمه‌تێ و وه‌زیر و رێڤه‌به‌رێن گشتی و په‌رله‌مانتاران و هه‌موو ئه‌و كه‌سێن ب پله بلند د قانوونێ دا هاتیه پێناسه‌كرن.</h3> <h3 style="text-align: justify;"></h3> <h3 style="text-align: justify;"></h3>
